Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Chawhmeh zawrhna ruahman

Rampum-a inkharkhip kalpui mek a nih avanga Bazarpui khar ala nih avangin Serchhip District Bawrhsap, Dr. Lalzirmawia Chhangte chuan nimin khan hriattirna tichhuakin mipuite mamawh phuhrukna tura Serchhip-I, IV, V leh VII VC huamchhunga chawhmeh zawrh dan tur ruahmanna a siam a. Hemi ang hian heng VLTF tin hian mahni Veng theuhah chawhmeh zawrhna an siam anga, Tuizemsen Kawn leh Town Hall kawt-ah chawhmeh zawrh phal a ni bawk ang. Hetihlai hian kawngpui dung-a chawhmeh zawrh chu khap tlat a ni thung a, mipui leh chawhmeh zuartu ten Social Distancing leh hriselna kawnga zawm ngai te zawm tur niin Serchhip Town Hall area-ah hian chawhmeh zawrh a nih chhung chuan lirthei tlanluh khap a ni bawk ang.

Comments

Chhiar Hlawhte