Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Bazar sak mek enfiah

Serchhip Sub-Hqrs. YMA Vigilance & Monitoring Committee chuan nimin zing khan Serchhip Bazar building sak mek chu a hmunah tlawhin hnathawh mekte an en a, hnathawh tah tawklo nia an hriat chu siamtha turin hnathawktute an ngen bawk.
Serchhip Sub-Hqrs. YMA Vigilance & Monitoring Committee hian Serchhip Bazar building sak hna thawh mekah a chhuat plaster nana Balu hman chu a tha tawklo nia thu an dawn te bawhzuiin Bazar building sak hna thawh mek hi an tlawh a, Bazar Building chhuat Plaster nana balu hman hi enfiah niin a thalo ngei nia a lan thu YMA hruaitute chuan an sawi.
Hemi chungchangah hian Serchhip Bazar Market Building Extension sak mek enkawltute chuan an balu hman mek chu duhthu sam-a tha a ni lo tih a pawm thu a sawi a, amaherawhchu Lockdown laite anih avangin balu tha duh ang a hmuh tur a awm lova, chuvang chuan a tha tawklo tih hre chungin balu tha dang nena pawlhin an hmang ta anih tih a sawi a. He balu an hman avanga an hnain a chhiat phah a rin loh thu a sawi bawk. Hei bakah hian YMA Sub-Hqrs. Vigilance & Monitoring Committee hian Bazar Building sak mek chu enkualin duhthusamlo lai an hmuh te chu siamtha turin an ngen a, a enkawltute pawhin an lo siamthat leh tur chu an sawi bawk.

Comments

Chhiar Hlawhte