YMA in Bawrhsap sawipui

/
Serchhip Sub-Hqrs. YMA hruaitute chuan nimin khan Serchhip District Bawrhsap chu kawmin Chapchar Kut chungchang an sawiho.
Serchhip Sub-Hqrs. YMA hruaitute hian nimin khan an Secretary, Lalrammawia hovin Serchhip District Bawrhsap mawhphurhna la mektu, H. Dolianbuaia chu a Pisa-ah kawmin tun thla ni 27-a Serchhip-a Chapchar Kut hmang tura inbuatsaihna kal mek an sawiho a. He hunah hian Corona-virus chungchang avangin sawrkar atangin mipui punkhawm emaw khapna ala awmloh thu tarlan niin hei vang hian inbuatsaihna pawh a pangngaia kalpui zui zel nise an ti a. Amaherawh chu Bawrhsap hian Chief Secretary pawh lo biain, Serchhip-a Chapchar Kut hman tum chungchang hi lo sawipui se an ti a, engemaw harsatna awm palh thei ah Chapchar Kut hi hman mai theihlohna a awm anih pawhin thulh tawp lova hun remchang danga hmang thei tura hmalak dan turte pawh he hunah hian an sawiho bawk.
He hunah hian YMA Social Forestry, Entlang-a a ramngaw siamna tura hmalakna te pawh he hunah hian sawiho niin Chhunkhah-a tuikhuah siam dan turte pawh an sawiho bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »