Latest News

Vaccine pe chhunzawm dawn

 Serchhip District chhunga Health Care Workers te hnena COVID-19 Vaccine, Covishield pek hna thawh mek chu Inrinni leh Pathianni te chawlh anih hnuah Vawiin hian Vaccine pekna tura ruahman hmun thum-ah pek chhunzawm a ni leh dawn a, thudawn danin Serchhip District chhunga mi 450 te hri danna pek turah ni 2 chhung khan mi 306 te chu hri danna hi pek hman an ni a, Presbyterian English School leh Midland M/S-ah mi 121 ve ve te hri danna pek ni tawhin Thenzawl CHC-ah mi 64 te hnenah hri danna hipek an ni tawh bawk a ni.

MPC Party in pawi an tih thu an sawi

MPC Party chuan State puitling kan nih tawh hnu a sawrkarna chelh thin ten, ram leh mipuite min kaihhruai that loh avangin mipuite rilru-ah chi-aina leh manganna a intuh ngheh phah hle ah ah ngai tih nimin khan thuchhuah siamin an tarlang a.
Coronavirus/Covid-19 chungchang avanga mipuiten nitin mamawh buhfai leh chakkhai dangte, a chatlak mai hlauthawnna min neihtirtu chu kum 30 chuang rorelna chelhtu ten Central Buhzem ringawt rinrawl a min neihpui avang leh Mizoram leilung hausakna haichhuah a intodelh nan a min la hman pui loh vangah an ngai nghet tlat tih tarlangin, “Harsatna leh manganna in kan ram min tlakbuak pawha ram intodelh leh mahni ke-a ding chunga harsatna kan hmachhawn theihna tura Brig.T.Sailo hmathlir, a Policy leh Programme hlamchhiah a chhunzawm a nih loh avangin, Mizoram chu ei leh bar leh kawlphetha ah ramdangte rinchhanin kan la nun phah a, hei hian engemaw thulh-ah Mizo mipuite mangangin kan chiai phah thin,” tiin hei hi pawi an tih thu an sawi bawk.

Comments

Chhiar Hlawhte