Health Worker training nei

Serchhip District chhunga Medical Officer leh Health Worker te tan nimin khan Maternal Death Review leh Child Death Review training neih a ni.
He Training Serchhip CMO Conference Hall-a neih hi Serchhip CMO, Dr. Laldawng-liana Sailo chuan kaihruaiin he huna tel Health Worker leh Medical Officer te chu an hnathawhna ah theihtawp chhuah zel turin a fuih a. Tunhnaia khawvel in a buaipui mek, Coronavirus chung-chang ah pawh he hri in min luhchilh lohna tura theihtawp chhuah tur leh mipuite zirtirna kawngah pawh theihtawp chhuah turin a fuih bawk.
He hunah hian Dr. Samuela, Medical Officer chuan he huna tel te hi zirtirna pein he huna tarlan a nih danin kumin February thla-ah khan Serchhip District-ah mihring 68,610 awm anga chhinchhiah niin nikum April atanga kumin February thla tawp thleng khan Serchhip District-ah nau piang 957 an awm a. Nausen an pian atanga ni 28 hmalam a thi, Neonatal Death 2 awmin kum 1 hnuailam boral, Infant Death 8 awm bawkin kum 5 hnuailam boral mi 11 an awm bawk. Hemi hun chhunga Serchhip District chhunga Infant Mortality Rate (IMR) chu 8.4 niin Nu nau chunga thi 1 a awm a, Maternal Mortality Ratio (MMR) chu 104.5 a ni bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn