Governor in Serchhip tlawh turin ruahmanna siam

/
Mizoram Governor, P.S. Sreedharan Pillai chuan tun thla ni 25 khian Serchhip rawn tlawh a tum a, Governor lo dawnsawn dan tur chungchang hi nimin khan ngaihtuah a ni.
Mizoram Governor, P.S. Sreedharan Pillai hian Mizoram District hrang hrang tlawhchhuah hun hmang mekin Serchhip District hi a tawpna atan tun thla ni 25 rawn tlawh turin ruahmanna a siam a, ruahman lawk dan chuan tun thla ni 25 zing dar 9:30-ah Governor hi Serchhip Helipad-ah rawn tumin Guard of Honour pe in Serchhip Auditorium-ah Public Meeting neih a ni anga, he hun ah hian Department Head, Sawrkar hnathawk zawng zawng, NGO hruatute leh College zirlaite tel tura beisei niin, Cultural Item entir tur leh Zaithiam zai tur te sawm an ni ang
Hemi hnu hian Governor hian Serchhip District Hospital leh Zoar Deprived Childrens Home te tlawhin, Govt. Serchhip College a tlawh bawk anga, hetah hian College Zirlaite nen inkawmna hun a hmang anga, DC's Conference Hall-ah Department Head te kawmin, DC leh SP Serchhip District dinhmun leh hnathawh dan tlangpui te tarlan a ni ang.
Mizoram Governor dawnsawn dan tur ngaihtuaha thutkhawm nimin chawhnu-a Ser-chhip DC’s Meeting Hall-a neih hi Serchhip District Bawrhsap mawhphurhna la mektu, H. Dolianbuaia chuan a kaihruai a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »