Latest News

MADC-ah VC inthlanna neih a ni dawn

Mizoram State Election Commission chuan Mara Autonomous District Council (MADC) hnuaia VC thiah, member bang leh member tanglai boral an awm avangin heng hmun ruakah tun thla ni 31 khian by-election neih a nih tur thu thuchhuah siamin a tarlang a.
VC inthlanna neih na turte hi VC tanglai banna Siaha Vaihpi-III (VC Seat 2); VC tanglao boralna College Vaih-II leh Kaochao 'E'-M (VC Seat 1 ve ve); VC dinglai thiahna Zyhno-I (VC seat 4) leh Seat 5 awmna VC thar Khaikhy te an ni a, inthlanna neihna tur hi VC 5-ah Seat 13 niin heng zinga Seat 2 hi hmeichhia te tana hauh a ni.
Heng inthlanna chuh tumte tan hian tun thla ni 15 zing dar 11:00 atanga tlai dar 3:00 thleng hming pekluh theih a ni dawn a, hming pekluh te chu a tuk-ah enfiahin January 17, 2020 tlai dar 3:00 thleng inhnuhdawhna hun hawn leh a ni ang. January 31, 2020 zing dar 7:00 atanga tlai dar 4:00 thlengin Vote thlak a ni anga, Vote thlak zawhfel a nih veleh Vote tla te hi chhiar nghal a ni dawn a ni.

Comments

Popular News (Last 30 Days)