KMMTTP-a hnathawh chawlhtir leh tum

Lawngtlai District Land Owners Association Office Bearer Meeting nimin-a neih chuan KMMTTP kawngpui sial hna kal mek chu tiamchin awm lova chawlhtir nise an ti.

Kaladan Multi Modal Transit Transport Project, Lawngtlai atanga Myanmar pawh tur kawngpui sial mek chhunga ram neitu, zangnadawmna la pek loh ten an din Lawngtlai District Land Owners Association OB Meeting hi an President, H. Remmawia chuan kaihruaiin kum 12 chhung Compensation pek phuta kawng hrang hranga an nawr hnu pawha hmasawnna hmuh tur la awm lo chu an hriatthiam loh thu sawiin, January thla atang hian tiamchin awm lova hnathawk chawlhtir ( Stay ) nise an ti a ni. KMMTTP kawngpui sial mek chhunga ram nei mi 33 te chu Zangnadawmna pek an la ni lova, Zangnadawmna pek tur sum hi avaiin cheng nuai sangnga chuang hret nia chhut a ni.