Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Larsap in NDA-a Graduate leh Cadet kawm

Mizoram Governor, PS. Sreedharan Pillai chuan National Defence Academy (NDA) atanga Sipai Officer rawn training zo tawh leh la training mek Mizo tlangval 5 te a kawm.
Larsap hian NDA a Sipai Officer hna training zo tawh, B. Liansanga leh NDA-a Sipai Officer hna la training mek -Lalrinawma Sailo, Malsawmzuala, VL. Malsawmzuala leh Lalrindika te pual hian Raj Bhavan Banquet Hall-ah thingpui ruai buatsaihin Sipai Officer te hian NDA-a an training dan te leh NDA a inziak tling tura lehkha an zir dan te bakah kawng danga an inpuachahna te an sawi a. Governor chuan Mizo tlangval Sipai Officer a inziak tlingte hi a lawmpui thu sawiin, Mizo thalai tam zawkin an hnung rawn zui se a duh thu a sawi a. Tunhnaiah India ram pum huapa ngaihsan, NDA leh Defence Service dangah te Mizo thalai an rawn tling chho thar chu Mizo thalaite hmasawnna tarlang tu a nih thu a sawi bawk.

Comments

Popular News (Last 30 Days)