State Level Mathematics Competition neih a ni

Mizoram Mathematics Society leh Mizoram Science, Technology and Innovation Council (MISTIC) tangkawp buatsaihin Inrinni khan Mizoram hmun hrang hrangah State Level Mathematics Competition chu a vawi 11-na atan neih a ni a. Serchhip-ah pawh he inelna hi neih a ni.
Mizo zirlaiten Mathematics an hlauhna tihbona a nih theih beiseia buatsaih State Level Mathematics Competition hi Mizoram chhunga Centre 8- Aizawl, Lunglei, Champhai, Serchhip, Mamit, Kolasib, Siaha leh Saitual-ah te neih a ni a. Exam tura hming pe hi Aizawl Centre-ah 1717, Lunglei-ah 578, Champhai-ah 243, Serchhip-ah 225, Mamit-ah 28, Kolasib-ah 119, Siaha-ah 42 leh Saitual-ah 327, an vaiin 3182 an ni.
Exam hi Class V, VIII, X leh XII zirlaite tana buatsaih a ni a, Class V-ah zirlai 973, Class VIII-ah zirlai 929, Class X-ah 984 leh Class XII-ah zirlai 306 tyen Form hi fill-up in he Competition ah hian Class tinah hian lawmman siam a ni dawn a, pakhatna in Rs. 7000/-, pahnihna in Rs. 5000/- leh pathumna in Rs. 3000/- dawngin a titha dang mi 10 te hnenah Consolation prize Rs. 1000/- theuh hlan an ni dawn a, hei bakah Centre tinah hian a titha ber te chu lawmman Rs. 1000/- zel hlan a ni dawn bawk a ni.
State Level Mathematics Competition hi Serchhip-ah pawh Inrinni khan Govt. HSS Serchhip ah neih niin zirlai ten inelna hi an nei a, Class-V ah zirlai 98, Class-VIII ah zirlai 68, Class-X ah zirlai 42 leh Class-XII ah zirlai 19 ten inelna hi an nei a ni.

Comments

Chhiar Hlawhte