Sports Minister in 'Red Kettle’ hawnna nei

Chhandamna Sipai Pawl (The Salvation Army)-in riangvai leh chanhaite tana thawhlawm khawnsakna hun kumtina an neih thin 'Red Kettle' hawnna hun chu nimin khan Millenium Centre kawt zawl-ah neih a ni a. He hun hi Sport & Youth Services Minister, Robert Romawia Royte chuan hmanpuiin a hawng a ni.
'Red Kettle' hawnna hunah hian Sports Minister chuan Salvation Army hian kum 100 chuang fe mai riangvai leh chanhai te tan an lo inhlan tawh thin tih sawiin, “Red Kettle hmanga Salvation Army rawngbawlna hi rem-changa laa midangte tana malsawmna ni turin mipuite ka sawm a. Kan neih sumte kan phal ang ang thawh turin mipui ka ngen duh bawk a ni,” a ti bawk. Red Kettle hawnna hun hi Leut. Col. Zothanmawia chuan a kaihruai a ni.

Comments

Chhiar Hlawhte