Hnathawh tum dan duhlo

Serchhip-III Village Council chuan Serchhip Tuikhuah Veng-a NH. 54 tlahniam thin venna atana hnathawh tum dan chu an duhloh thu an sawi.

Serchhip-III Village Council hian nimin zing khan Lalpuithanga Hall, Serchhip Chhim Veng-ah thutkhawm hmanhmawh neiin tunhma atanga Serchhip khawpui chhunga National Highway-54 kawngchhuat tlahniam thin, Ser-chhip Tuikhuah Veng ami venna siamna tura sum ruahman cheng nuai 100 chuang chauh ruahman chu a tlem tawh hle laia hna awlsam leh hlawk duh avang nia ngaih theiha thirlen-a lung fun hmanga a dawlna siam tum chu rintlak loh turah an ngai tih an sawi a. Hei aia rinawm zawka siam an duh thu pawh an sawi bawk.

Helai lei tlakhniamna hmun hi Serchhip-I, Serchhip-II, Serchhip-III leh Serchhip-IV VC te inri khawmna lai a ni a, heng VC dang te pawh hi biain, anni lam pawh hian hmalak tul an tih thu an sawi nia thudawn a ni a, he hna hi tha tak leh rintlak tura thawh a nih theih nan Ser-chhip-III VC chuan hmalak zel nise an ti bawk.