P&E Veng FC hnehtu Bungpui FC 1st Division-ah an kai ta

Bungpui FC, Hriangtlang chuan Serchhip District Football Association (SDFA) 1st Division Play-Off ah P&E Veng FC chu 3-1 a hnehin Season thar-a 1st Division khel turin an in petling ve leh ta.
Serchhip District Football Association (SDFA) buatsaih Season Ending Tournament khelh zawh a nih hnuah 1st Division-a point hmu hniam ber dawttu, P&E Veng FC leh 2nd Division-a pahnihna, Bungpui FC, Hriangtlang te hian Inrinni khan Serchhip Sports Complex-ah 1st Division Play-Off an khel a. He inkhel ah hian P&E Veng FC in minute 7-na lekah Lalrawngbawla goal thun hmanga hma hruaiin Second half minute 51-na ah Lalro-mawia chuan Bungpui FC tan a sut ve leh a. Hun tawp thlenga goal dang lut tawh lovin 1-1 in an inhnehtawk a ni.
Hun pangngai-ah chak zawk an awm loh avang hian Extra Time minute 30 khelh leh niin inkhel an \an phat ah Bungpui FC hian Hun-tharnghaka goal thun hmangin hma an hruai nghal a. Extra-Time Second half \an phat ah Hun-tharnghaka bawk hian goal khung lehin P&E FC in goal an khung belh thei ve lo a, Bungpui FC hi 3-1 in an chak a, Season thar-a 1st Division khel turin an tling ta a ni.
Bungpui FC hian 1st Division-a kai tum hian tunhnai ah Play-off hi khel fo mah se a tlawm zawkah an \ang zel a, kumin ah erawh 1st Division-ah kaiin Serchhip khawpui pawnlam a\anga 1st Division kai hmasa ber an ni a. Heti hian Season thar-ah Hmar Veng FC, New Serchhip FC, FC Serchhip Kawnpui, Vengchung FC, Chan-mari FC, Chhekhnai FC, AWC FC leh Bungpui FC te 1st Division-ah an awm dawn ta a ni.
Griezmann-a chiang dawn ta
รพ Antoine Griezmann chuan Atletico Madrid chhuahsanin Barcelona tan kumtin £15m, chawlhkar tin £300,000 hlawh turin kum 5 daih contract a ziak dawn ta nia tarlan a ni.

Comments

Popular posts from this blog

PAN CARD an tih teh fo hi - Laldinpuia