Tuesday, 11 September 2018

World Suicide Prevention Day hmang

Nimin September 10 khan Aizawl Press Club Conference Hall-ah World Suicide Prevention Day chu National Mental Health Programme (NMHP) Mizoram bultuma hman a ni a, he hun hi MJA General Hqrs. President, Zonunsanga Khiangte chuan khuallian niin a hmanpui a ni.
He hunah hian MJA Gen. Hqrs. President, Zonunsanga Khiangte chuan mahni intihlum tam lamah India rama suicide rate (mi nuai khat zelah 10.6) ai pawhin Mizoram (11%) chu a san thu leh India hmarchhak state-a a sang lam pathumna a ni chu lungchhiatthlak a tih thu sawiin, "Kristianna ah pawh keini aia u bik lova kan ngaih Nagaland (0.9) leh Meghalaya (6.2) te kan khum dan hi a lawmawm loh hle," a ti a. Tunhma lama chanchinbu leh TV chanchinthar lama mahni intihlumte tarlan \hin chuan mahni intihhlum a tizualkai nia hriatna avangin Psychologist-te thurawn zawmin kum 10 chuang kalta a\ang khan mahni intihlumte hi news-ah tarlan a nih tak ngai loh thu MJA President chuan sawiin, "Hei hian awmzia a nei chho deuh ni pawhin a lang a. Tunhnai ah Social Media kan hmang nasa a, inkhap hleihtheih lohna \hin ni mah se, Mizo \halai mahni intihlum an awm thu post hi hmuh tur a awm khat ta angreng a, a lawmawm hle a ni," a ti.
He Programme hi National Mental Health Programme, Mizoram a Mission Director, Dr. Lalrozama, IAS chuan kaihruaiin kumina World Suicide Prevention Day thupui - 'Working Together to Prevent Suicide' sawihawngtu, Psychiatrist Dr. C. Lalhrekima chuan kum khatah mi nuai 8 vel mahni intihlum awm ang an nih thu leh, chu chu second 8 dan zela mi pakhat intihlum ang a ni tih a sawi a. "Inpuih hi a sawt. Kan \hiante, kan chhungte tan minute khat lek kan sen phal hian a sawt em em a. Demtu ni lo, ngaithlatu an mamawh a ni," a ti.
He hunah hian Clinical Psychologist, Dr. Lalengmawii chuan Kulikawn Hospital Psychiatry Ward-a damlo enkawl mi 56-te an zirchianna sawiin, Mahni intihhlum duhna nei zingah zu leh ruihhlo avanga buai chu a tam zawk an nih laiin, a tam zawk hi chhungkaw kehchhia a\anga chawrchhuak emaw mahni inchhungkhura tihduhdah leh ngaihsak loh tawk emaw an ni kher chuang lo tih te zirchianna a\ang hian a lang a. Intihhlum duhna neia lo ruahman lawk aiin rilru-a thawk thut an ni a. A tam zawk chuan midang hnena puihna an zawng kher lo tih an sawi bawk.
NMHP State Nodal Officer, Dr. Robert L. Khawlhring chuan mahni intihhlum duhna nei leh tum tawh zingah hmeichhia an tam zawk laiin an tum tipuitlinga intihlum ta erawh mipa an tam zawk tih a sawi a.
NMHP chuan mahni intihhlum duhna hial nei rilru damlohna neite chu phone leh hmaichhanah an pui thei reng tih sawiin, heng phone number -9366181946, 9366193094, 9366191341-ah te hian biak theih an ni.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...