Latest News

Khelh fuh leh khelh dik tum kan inbei dawn - Duhoma

Zoram People’s Movement (ZPM) Chief Ministerial Candidate, Lalduhoma chuan kan hma inthlanpui lo awm turah politics khelh fuh tum leh khelh dik tum kan inbei dawn a ni, a ti.
Nimin a Aizawl ZPM Office-a Chhung Inkhawm neih ah Lalduhoma chuan kum 30 chuang sawrkar kan hrawn tawh leh hrawn mek ten an ngaihpawimawh ber chu ‘Vote’ a ni tih sawiin, “NLUP-ah pawh cheng Vbc. 2800 an dah. 50% aia tam department hrang hrang ami an pawtpeng a, chu chu development aiin vote zawn tinzawnin an hmang a ni,” a ti a. “Cheng Vbc. 2800 an senral tawh hnu hian development hmel hmuh tur a la awm lo, a vanduaithlak hle. Kan hma inthlan lo awm turah hian vote zawng party leh ram siam\hat duhtute kan inbei dawn a ni,” a ti bawk.
Congress sawrkar chu Zoram mipuiin an paih tawh dawn tih sawiin Lalduhoma chuan, “Sawrkar tawh reng reng hi an term khatna ah chuan an thawk \ha em em vek a, an term hnihna ah an fing tual tual a, rem an hre tual tual a, experience an ngah tual tual a, an laktlak loh tual tual thung, an term hmasa an tluk ngai lo. Chuvangin Congress sawrkar chu mipuiin paih an duh tawh a ni,” a ti a. MNF policy SEDP chungchang ah ZPM CM candidate chuan, “Congress-in cheng nuai khat an tiam a, MNF in cheng nuai thum, sawrkar leh vote zawn ringawt an atchilh a, mipui min lilam chhan a. SEDP Certificate siamin vote zawn nan an hmang a, an sawrkar huna cheng nuai thum thleng an tiam \hin. Tlin ringawt mai buaipuitute nen kan inbei dawn a, a phurawm hle a ni,” a ti bawk.
Inthlan lo awm turah |angrual Pawl (ZPM) chu mipui innghahna awmchhun a ni tiin Lalduhoma chuan, “Kum 2013 inthlanah khan MNF party khan MPC leh MDF thawhpuiin MLA seat 5 an la thei \awk a. Tunah hian an thawhpui MPC chu ZPM-ah an awm tawh a, chhim lamah MDF chu BJP-ah a bo a bang awm lovin an lut vek tawh bawk a. Tuna MLA ding lai zingah hian MPC vote tel lova an tlin theihna bial a awm tawh lo. Zoram mipui innghahna awm chhun chu ZPM chiah hi a ni,” a ti bawk.

Comments

Popular News (Last 30 Days)