Latest News

Zirlai ten thisen Unit 46 pe

Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.

World Alzheimer Day pualin Aizawl-ah Memory Walk nei

India ram puma Alzheimer natna leh a anpui natna dangte ngaihventu pawl, Alzheimer and Related Disorders Society of India (ARDSI) Mizoram Chapter buatsaihin nimin zing khan Aizawl-ah “Memory Walk” neih a ni a, Health Minister, Lal Thanzara chuan a hmanpui a ni.
World Alzheimer’s Day puala “Memory Walk” ah hian Health Minister, Lal Thanzara chuan Alzheimer natna chu Mizoram-a kan hriat ngai loh tak, kan hriatchian loh avanga a natna veituten an mamawh ang ngaihsakna an lo dawn loh phah chu tunah mi \hahnemgai leh mithiamte zarah kan hre lar tan ta tih sawiin, natna veituten ngaihsak leh duat an hlawh phah ngei a beisei thu a sawi a. Alzheimer natna chu thluak natna chi khat, zawi zawia hriatreng theihna leh finna leh ngaih-tuahna tichhe tu, chhiat lam pan zel natna a nih avangin a tihdamna damdawi la awm rihlo mahse natna veitute duat chu a pawimawh hmasa hle tih a sawi bawk.
Alzheimer natna hi Mizoram-ah chuan ‘Thluak sawng natna’ ti a hriat a ni a. ARDSI Mizoram Chapter hi September ni 21, 2015 khan din niin, he pawl hian phungbawm sawmin Alzheimer natna sawihona leh, natna vei enkawltute zirtirna Seminar leh Workshop te a lo buatsaih tawh \hin a. Tun thla September ni 29 hian Chanmari YMA Hall-ah seminar a buatsaih leh dawn bawk a ni. ARDSI chuan Aizawl leh a chhehvel hi Zone hrang hrangah \henin MUP te nen Alzheimer’s natna veite chhinchhiah leh tlawh chhuah hna an thawk \hin a, Social Media kaltlangin Mizoram pumah he natna vei chhungkua te inhriattawn leh in\awiawmna a buatsaih bawk.
Nimin zing a World Alzheimer’s Day puala “Memory Walk” hi Chanmari kawn atanga Millennium Centre thleng neih a ni a, mi 500 chuang an tel a ni.

Comments

Popular News (Last 30 Days)