Thenzawl-ah Electricity Consumers' Awareness neih a ni

JERC (Manipur & Mizoram) leh Mizoram Power &Electricity Department bultumin niminpiah khan Thenzawl-ah ‘One Day Workshop on Electricity Consumers' Awareness’ chu Joint YMA Hall-ah neih a ni.

He hun JERC (Manipur & Mizoram) Asst. Secretary, Richard Zothankima kaih-hruaiah hian JERC (Manipur & Mizoram) Chief Engineer, Er. Lalchharliana Pachuau; Superintending Engineer, Transmission Circle Aizawl Er. Vanlaltlana; Serchhip Power Division-a E.E. Er. M. Lalhmingthanga leh JERC (Manipur & Mizoram) Asst. Chief Engineer, Er. H. Than-\hianga ten Electric chungchanga mipui hriattur \ul leh pawimawh hrang hrang te sawina hun an nei a, zawhna leh chhanna hun te hman a ni bawk. He hun buatsaih anih chan hi Kawlphetha mipui ten kan hman dan chungchanga kan ram dinhmun siam\hat a \ulna leh thuam\hat a \ulna laite mipuiin an hriatthiam theihna tura ruahman anih thute tarlan a ni a, mipui, consumer te dikna leh chanvo leh tihtur hrang hrang te sawi a ni bawk.

Nikum 2016-2017 chhunga Serchhip Power Division (SPD)-a Energy lakluh zawng zawng zat chu 16.64 MwH(MU) a nih laiin, man neia hralhchhuah (energy sold) chu 14.87MU anih thu te, Electric Bill hmuhlet miah loh (energy loss) zat 1.77MU zet anih thu te, Serchhip Power Division bik a AT&C Loss 15.71% a nih thu te, he hlohna titlem tura mipui ten awlsam taka kan tih ve theih chu a hun taka bill chawite pek tlak nghal zel anih thute tarlan a ni.

Nikum chhung khan Serchhip Power Division hnuaiah Consumer 13,583 an awm a, meter \ha nei zat Consumer 13,388 niin, meter neilo leh chhia Consumer 195 an awm a, hengte hian a thara an thlak vek tawh thu leh Consumer meter chhia leh nei lo an awm loh thute tarlan a nih bakah Mizoram pum thlirin Serchhip Division chu Division Collection Efficiency \ha pawl a nih phak thu te tarlan a ni bawk.