Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Thenzawl-ah Education Campaign neih leh a ni

Serchhip Sub-Hqrs. YMA-a Education & Youth Affairs Committee leh Govt. Serchhip College-a Rashtriya Uchchatar Shiksha Abhiyan (RUSA) bultumin nimin khan Thenzawl Joint YMA Hall-ah Education Campaign neih leh a ni.
Thenzawl Joint YMA Hall-a Education Campaign hi Sub-Hqrs. YMA-a Education & Youth Affairs (EYA) Committee Chairman, C. Lalramliana chuan kaihruaiin Resource Person atan District Education Officer (DEO), Lawmawma leh Govt. Serchhip College-a Asst. Professor, Laldingluaia Khiangte te hman an ni a, anni pahnih bakah hian Serchhip Sub-Hqrs. YMA Secretary, DIET Serchhip Principal ni bawk, Lalrammawia leh Co-ordinator, SBM(G), PHE Department Serchhip Samuel Lallawmzuala ten thu an sawi a. Thusawitute chuan Mizoram-a Mizo zirlaite zirna kawnga harh thar a \ul thu te, Central Service-a Mizo lut kan tlem ta lutuk chu kan hnam tan a pawi thu leh Vai chu sawi loh, Mizoram-a Chakma te pawh kan tluk mang tawh lo nia a lan thu te sawiin, zirna kawnga harh tharna Mizo ten kan chan a pawimawh tak zet thu te an sawi a ni.
Nikum lama YMA General Conference in a rel ang leh Central YMA in bawhzuia Sub-Hqrs. YMA in a ruahman angin Education Campaign hi neih a ni a. Tun thla ni 15 khan North Van-laiphai-ah neih ni tawhin, Biate, East Lungdar, Chhingchhip leh Serchhip-ah te la neih tura rua-hman niin a tum ber chu Central leh Civil Service te a Mizote a tam thei ang ber an luh theihna tura beihpui thlak a ni.

Comments

Popular News (Last 30 Days)