State Steering Committee for NERS \hutkhawm neih a ni

Nimin khan State Steering Committee for National Emergency Response System chu DGP, Thianghlima hovin a Office-ah an \hukhawm.

State Steering Committee for National Emergency Response System \hutkhawm ah hian DGP chuan sorkar laipuiin mipui ten harsatna hrang hrang an tawha awlsam taka \anpuina an dawn theihna tur atan State tinah National Emergency Response System din vek tura a tih chu Mizoram-ah hma lak mek zel a nih thu a sawi a. Centre for Development of Advanced Computing (C-DAC) nen thawkho in National Emergency Response System hi Technology changtlung tak hmangin Mizoram-a kalpui tura hmalak mek a nih thu a sawi bawk.

Nimin a State Steering Committee for National Emergency Response System \hukhawm hian Emergency chungchanga mipuite phone call chhangtu turte awmna hmun, Public Safety Answering Point (PSAP) chu Aizawl SP Office chungzawl-ah sak turin a rel a. Committee hian National Emergency Response System kalpui hmasakna tura thlan Aizawl District, Lunglei District, Kolasib District leh Champhai District-ah te Emergency Response-a hman turin lirthei Sumo 5 leh Two Wheeler 8 lei a rel bawk a. Heng Motor lei turte hi Aizawl District tan Sumo 2, Lunglei, Kolasib leh Champhai District tan Sumo 1 \heuh leh District pali-ah hian Two Wheeler 2 \heuha sem nise tiin a rel bawk a. National Emergency Response System kalpui hmasakna tur District-te hi Law & Order Case leh Crime tam dan a zira thlan an ni.

National Emergency Response System hnuaiah hian Emergency number 112-ah tu pawhin harsatna engpawh- kangmei, crime, accident, chhiatrupna, natna leh emergency dangte report vek theih tura ruahman a ni a, heta \ang hian \anpuina \ul ang ang te a rang thei ang bera ngaih-tuah sak an ni dawn a ni.