Serchhip DEO in Chhipphir ah Teachers Day hmanpui

Serchhip District Education Officer, Lawm-awma chuan nimin khan Chhipphir Education Workers Association buatsaih Teachers Day lawmna leh Education Campaign neih chu a hmanpui.

Chhipphir khuaa Teachers Day lawmna leh Education Campaign-ah hian DEO, Lawmawma chuan zirtirtute dinhmun pawimawh zia sawiin, nakin lawka kan ram hruaitu la ni mai turte kai-hruaitu leh chhertu an nih avangin rinawm tak leh fel taka invawng turin a chah a, rahchhuah nun nei tura nun uluk turin leh naupangte entawn tura zuk leh hmuamah te pawh inthiarfihlim turin a chah a. Hlawhtlinna chang tur chuan thawhrim a ngai a ni tih hi vawng turin a chah bawk.

He hunah hian Thenzawl SDEO, C. Lai-hnuna, R. Lalawmpuia, Dy. DPC SSA, Ser-chhip bakah zirtirtu dang \hahnem tak an tel bakah khawtlang hruaitute, NGO hrang hrang hruaitute, zirlai naupangte leh Kohhran hruaitute tel a. Thupui hrang hrang zirhona neih a ni.