Latest News

PRISM in Lal Thanzara man turah an ngai

PRISM chuan Cabinet Minister, Lal Thanzara chu Pawl phuahchawp hnena Dan kalha a MLA LAD Fund Rs. 21,40,000 pe a diklo taka a party mite duhsak nana mipui sum a hman avangin man turah an ngai tih an sawi.
PRISM in nimin a Aizawl-a Bengvar Inkhawm an neihah PRISM President, Vanlalruata chuan thu sawiin Aizawl Chanmari West-a MLA Fund hmanga hnathawh an enfiahna a\anga thil diklo an puanzar Chanmari West Congress Unit I leh II ten thuchhuah in\awm siama an sawifiahna ah Chanmari West Local Council te pawhin an hriat loh Chanmari West-a MLA LAD Fund lut zinga zaa 68.29 lai thawktu MDF chu ‘My Dear Friends Welfare’ tihna niin an sawi tih an tarlang a. Firms & Society te, Co-operation te leh LE&IT Department-ah te hetiang pawl hi a awm leh awm loh zawtin, tuman a awm an hre lo a, chuvang chuan he pawl MDF hi phuahchawp a ni tih an sawi a. Aii Puk Scandal nia sawi \hin pawh kha material dawngtu ‘Aii Puk Farming Society’ te register an nih loh avanga issue rawn lian chho ta a nih thu sawiin, “Hetianga pawl phuahchawp hnena mipui sum heti zat a pek avang hian Cabinet Minister Lal Thanzara hi man ngei turah PRISM chuan kan ngai a ni,” a ti. PRISM President chuan, “MLA LAD Fund hi mimal te, political party te leh sakhaw pawl hminga thawh theih a ni lo a, Chanmari West Congress Unit ten mi harsa, rethei, damlo leh \anpui ngai te \anpui nan hna te hi hmang anga an insawi hi a diklo a, MDF in an thawh nia sawi hnate hi rulling party leh an mi leh sa te thawh vek a nih avangin he pawl phuahchawp hi corruption tihna atan an hmang ngei a ni,” a ti bawk.

Comments

Popular News (Last 30 Days)