Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram sorkar-a Minister of State atan Aizawl South-III bialtu MLA, KS. Thanga lakluh a ni

Nimin tlai dar 3:00 khan Mizoram sorkar-a Minister of State (MoS) atan Aizawl South-III bial a\anga MLA-a thlantlin, KS. Thanga chu Mizoram Larsap chuan rinawmna thu tiam tirin lakluhna a nei.
Minister of State lakluhna inkhawm hi Raj Bhavan-a Multipurpose Hall-ah neih niin Mizoram Larsap, Lt. Gen. (Rtd) Nirhbhay Sharma chuan thutiam laktirin Minister of State atan a lalut a, Minister of State atana KS. Thanga lakluhna inkhawm ah hian Chief Minister, Lal Thanhawla, Council of Minister, MLA leh Sorkar mipawimawh te bakah thuthar lakhawmtute an tel a ni. KS. Thanga hi kum 2008 MLA inthlanpui ah khan Aizawl South-III bial a\angin MLA atana thlantlin niin Congress Sorkar term hmasa ah Parliamentary Secretary hna a chelh a, Congress Sorkar term hnihna kum 2013 inthlanah Aizawl South-III a\ang bawk hian MLA atan thlantlin leh niin Parliamentary Secretary hna a chelh leh a, August 30-a Chief Minister hnena Parliamentary Secretary 7 ten banna an thehluh khan a thehlut ve a ni.
Minister of State atana lakluhna neih zawh hnu hian chanchinthar lakhawmtu ten KS. Thanga hi kawmin a hna chanpual tur tihfel ala nih loh thu sawiin, Chief Minister kaihhruaina leh Senior Minister-te kaihhruaina bakah party hruaitute thurawn angin kan ram tana thil \ha ah chuan theih ang tawka a thawh tur thu a sawi a, “Ka theihna ang ang thawk mi kan nih Zoram mipuiiin an hre tawh,” tiin chutiang chuan hna an thawk dawn tih a sawi bawk.
Tarlan tawh \hin angin LE&IT Minister hna chelhtu ni \hin, Lalrinmawia Ralte leh Mizoram Youth Commission Chairman ni \hin, T. Sangkunga chu Kolkata-a Nalanda Institute of Advaned Studies-a zirlai 32 tirh an nih chungchang leh Labour Welfare sum hmanna dik lo nia sawi chungchanga a mawhphurtu a puh an nih avangin kumin February ni 24 khan an nihna a\anga banna an thehlut a. Kumin vek August ni 21 khan Minister of State, Dr. BD. Chakma chuan, Mizoram Quota-a damdawi lam zirna tur thlan danah a lungawiloh avangin banna a thehlut ve leh a, Minister pahnih-in banna an thehluh hnuah hun engemaw chen Minister thar lakluh belh a nih loh hnuah Minister of State atan mi pakhat lakluh niin heti hian rorellai Congress sorkar-ah Cabinet Minister 9 leh Minister of State 2 an awm ta a, Mizoram State hi Minister 12 nei thei niin, Congress party hmeichhe MLA neihchhun Vanlalawmpuii Chawngthu chu Minister atana lakluh ve tur tih zingah a tel nia sawi a awm bawk a, amaherawh chu Delhi-ah a zin avangin lakluh a ni ve ta lo nia sawi a ni bawk.

Comments

Popular News (Last 30 Days)