Latest News

Ministry of Human Resource Development rawih ten Serchhip DIET tlawhin an rawn zirchiang

Sorkar laipui-a Ministry of Human Resource Development rawih, Tata Institute of Social Sciences (TISS) te chuan nimin leh niminpiah khan Serchhip DIET chu tlawhin a dinhmun hrang hrang an rawn zirchiang.
Sorkar laipui-a Ministry of Human Resource Development chuan ramchhunga State 11 leh Union Territory 2-a Teachers Institution te chu zirchianna, Third Party Evaluation of Teachers Education in India nei turin ruahmanna a siam a, he zirchianna nei tur hian Tata Institute of Social Sciences (TISS), Mumbai chu ruaiin TISS hian Mizoram District 4-a District Institute of Education and Training (DIET) leh State Council of Educational Research and Training (SCERT) bakah Institute of Advanced Studies in Education (IASE) te chu an zirchiang dawn a. He zirchianna kal mekah hian niminpiah a\ang khan DIET Serchhip chu rawn tlawhin heng TISS aiawh te hi Serchhip DIET Principal, Lalrammawia leh thawktu dang ten an lo dawngsawng a, TISS mi te hian Principal bakah Faculty leh zirlaite kawmin DIET dinhmun hrang hrangte a zawtfiah a, TISS Mumbai a\ang hian Dr. Arindam Bose leh Prasana Sangma bakah MZU a\angin Dr. Lalbiakdiki Hnamte, IASE a\angin Vanlalruatfela Hlondo te rawn kalin SCERT a\angin Dr. A. Lalchhandami chuan a rawn ho a, an Team-ah hian Lalhmachhuana pawh a tel bawk a, niminpiah a DIET Serchhip dinhmun hrang hrang an zirchian hnuah nimin khan thawktute leh zirlaite hi an kawm leh a, zawhna siamsa chi hrang hrang an chhan tir nghal bawk a ni.
Tata Institute of Social Sciences (TISS), Mumbai aiawhte hian Mizoram sorkar-a Education Secretary, Esther Lal Ruatkimi te, SSA State Project Director Lalhmachhuana te leh SCERT Director, Laldawngliani Chawngthu te pawh kawm tawhin Aizawl leh Kolasib-a DIET te an tlawh tawh a, Serchhip DIET an tlawh hnu hian Lunglei DIET an tlawh leh ang. Kum 2005-a din DIET Serchhip-ah hian Principal kaihhruaina huaiah Faculty 13 an awm mek a, Non-Teaching Staff 12 awmin zirlai hi 1st Semester-ah 30 leh 2nd Semester-ah 39, an vaiin 69 an awm mek a. Heng bakah hian NELIET hnuaiah Computer zirlai mi \hahnem tak an awm mek bawk a ni.

Comments

Popular News (Last 30 Days)