MPC leh ZNP |halai ten CBI chhui tir vek an phut

MPC leh ZNP |halaite chuan Mizoram-a Congress sorkar kan hrawn mek chu an term a zawh hma ngeia kum 1999 a\anga tun thlenga thil diklo lian zawng zawng chhui chhuak vek tura CBI kolut ngei turin an phut.

Nimin khan MPC |halai President, V. Lal\hazuala leh ZNP |halai Vice President, Sai\huama te chuan Aizawl-a MPC Office-ah thuthar thehdarhtute kawmin he thu hi an sawi a. He hunah hian Party pahnih \halai hruaitute chuan Central Bureau of Investigation (CBI) chu Delhi Special Police Establishment Act, 1946 hmanga din niin Central Vigilance Commission hnuaiah a awm, sorkar laipui leh Delhi sorkar hnuaia sum tihchingpente chhui \hin tura din a nih thu sawiin, State sorkarin an State chhunga hnathawh an phalsak chuan state sorkar thil tih pawh a chhui thei bawk tih an sawi.

Party pahnih |halai hruaitute chuan June 27, 1990 khan Mizoram sorkar chuan CBI te Mizoram pumpuia hnathawh phalna a pe nia sawiin, CBI chuan hma rawn la chho nghalin Government Complex, Aizawl-ah Office hawngin hnathawk turin an inbuatsaih chho nghal tih an sawi a. Amaherawh chu Dec. 8, 1995-ah Congress sorkar chuan Central sorkar hnenah ‘Mizoram-ah CBI ten an duh ang anga hnathawh an phalsak loh thu leh sorkar nena inrawntlang chauha hmalak an phal sak thu’ an zuk thawn leh lawi si nia sawiin, MNF sorkar pawhin CBI hian Mizoram chhungah hna an thawk dawn a nih chuan ‘Eng chungchangah pawh Mizoram sorkar phalna an la hmasa ngei ngei tur a ni’ tih thu chu ni July 15, 2002 khan Gazette-ah a chhuah ta hial bawk tih an sawi a ni.

Kan rama eirukna leh diklo taka mipui pawisa kalralna hrang hrang heng – Lottery Scandal, Compensation, Baffacos, Kel-pal Hungna, Toilet Van, Police Modernization Scheme, Falkawn Referral Hospital, Aizawl Civil Hospital OPD chhawng kim lo, M/S Mizo Carbon Product Ltd. chungchang, High Protein Biscuit Supply, Mizoram Building and Other Construction Workers Welfare Board (MBOCWW) leh NIAS chungchang te, Dihmunzawl-a PHE Building \hiah leh Bawngkawn-a Pi Lal\hai (LRM) ram lei leh hralh chungchang leh inpuhmawhna dang tam takte hi Zoram mipuite hian kan ning em em tih pawh Party pahnih |halai hruaitute chuan sawiin, CBI kohluh duh inti ve ve Congress leh MNF ten thuneihna an neih laia ko luta zalenna famkim pe duh tak tak si loa political advantage atan mai maia mipui lama ball an vawrh \hin chu a huatthlala em em tih an sawi a. Tuna kan hrawn mek Congress sorkar chu an term an hman zawh hma ngeia kum 1999 a\anga vawiin thlenga thil dik lo lian zawng zawng chhui chhuak vek tura CBI kolut ngei turin an phut tih an sawi a ni.