Serchhip District Sanitation Task Force \hukhawmin District chhunga khawpui Preliminary ODF-ah puan a ni

Nimin khan Serchhip District Sanitation Task Force chu an Chairman, Sangchhin Chinzah, Serchhip Bawrhsap ni bawk hovin a Office Chamber-ah an \hukhawm a. Serchhip khawpui leh District chhunga Census Town dangte chu Preliminary Open Defecation Free-ah puan a ni.

Nimin a Serchhip District Sanitation Task Force \hutkhawm ah hian District Bawrhsap, Sangchhin Chinzah chuan Serchhip-a hna a thawh tirh a\angin Open Defecation Free chu a hna ngaih pawimawh leh thawh hmasak a nih thu sawiin, Mizoram mipuiten faina leh thianghlimna kan mamawhna a vei \hin thu a sawi a. Serchhip khaw chhungah phei chuan engkim a nih tur ang thlapin, kawng tinrenga finfiah ngam, Sanitised Latrine dik tak vek kan hmang ngei tur a ni, tiin hmalak mek dan leh tuna hna kal lai mek thawh dan a sawi a. Faina lama inzirtirna uar turin sorkar hnathawk, tlawmngai pawl, kohhran leh khawtlang hruaitute a ngen bawk.

He Meeting-ah hian Serchhip District chhunga Urban Area te ODF Preliminary Declaration neiin hei hi Central lam a\anga endiktuten an rawn endik fel hnuah Serchhip District chu ODF District ah puan a ni tawh dawn a, hemi hmalam hian Serchhip District chhunga thingtlang (Rural Area) te chu ODF-ah puan ni tawhin District Level-ah pawh endik a ni tawh bawk. Hei bakah hian khawchhung tihfai hna thawh chhunzawm dan tur te, State Task Force a\anga hmalakna tur ruahmanna lokal umzui dan turte an rel bawk a. Serchhip khaw chhunga bawlhhlawh paih motor tun aia zing zawka a tlan kual theih dan tur ruahmanna te pawh member te hian an sawi bakah, faina inzirtirna lama nasa zawka hmalak dan turte an sawi a ni.

Census Town te Open Defection Free-a puan dan tur ruahmanna (ODF Declaration Protocols) ah chuan, Census Town-a Ward tin ten Self Declaration an nei phawt ang a, chumi hnuah District Task Force in Preliminary Declaration an nei lehin State Task Force hnenah thlen nghal tur a ni a. Ni 15 chhung sawisel duh neite tana sawisel theihna hun hawn a ni nghal anga. State Level hian Central lam thuneitute hnenah an thlen ve thung ang a, ni 30 chhungin Central lam a\anga endiktu ten an duh anga an rawn endik leh vek hnuah tlinga an pawm chuan ODF-ah khawpui hi puan theih chauh a ni.