Ramngaw leh Nungcha humhalh kawnga inzirtirna hun hman a ni

Nimin khan Khawlailung-ah Environment & Forest Department leh Model Village Forest Development Committee (MVFDC) Khawlailung buatsaihin Ramngaw leh Nungchate humhalh kawnga inzirtirna hun, ‘Awareness Campaign on Preservation of Flora and Fauna’ neih a ni.

Khawlailung Community Hall-a Awareness Campaign on Preservation of Flora and Fauna hi Lalnunzira Sailo,Vice Chairman, Khawlailung Model Village Forest Committee chuan kaihruaiin he hun khuallian nia hmanpuitu Serchhip District Education Officer, Lawmawma chuan India rampum chhutin Serchhip District chu ramngaw nei \ha pawl kan nih thu sawiin, India ram pumah Serchhip District chu lehkha thiam tamna a nih angin ramngaw humhalh ah kawngah pawh \an la nasa ber ni ila a duhawm tih a sawi a, ramchhuak \hin zingah ramsa te hnim no pet chan duh avanga ramhnua hal ta mai mai an la awm nia lang chu thil \halo tak a nih thu a sawi a, Education in a tum ber chu mihring reng reng anmahni a a \ha ber a siam a nih thu sawiin, kan thih hnu ah pawh vanram kal ngei thei tura siam a tum a ni, a ti a. Lok Sabha MP, CL. Ruala’n Model Village atana a thlan Khawlailung in Higher Secondery School a mamawh hle tih a hriat veleh nasat taka beih nghal anih thu leh, tunah chuan School hi hawngin tun dinhmun ah la kimchanglo mahse a theih ang anga tih changtlun tum zel anih thu a sawi bawk.

Ramngaw leh Nungchate humhalh kawnga inzirtirna hunah hian J. Lalsawta, Ranges Officers, Environment & Forest Department, North Vanlaiphai pawhin Khawlailung SAGY Model Village-a an Department hmalakna hrang hrang Khawlailung mipui ten an \awiawmna ah lawmthu a sawi a, an hmalakna hrang hrang te venhim leh enkawl chu mipui mawh a nih thu sawiin, mahni ta ang taka a nihna ang taka enkawl turin a ngen bawk. He hunah hian H. Lalhmunsiama, Director ASEP pawhin nungchate leh ramngaw pawimawhna thu leh sorkarin nungchate leh ramngaw tichhe \hinte chunga hremna Dan hman \hin chi hrang hrang te zirtirna a nei bawk.