Serchhip-ah Sankalp Se Siddhi-New India Manthan (New India Movement) chungchang zirhona neih a ni

Sorkar laipui hmalakna thar, India Ram Thar (New India By 2022) ruahmanna chungchang sawihona hun, Sankalp Se Siddhi Abhiyan chu nimin khan DRDA Serchhip buatsaihin Serchhip DC’s Conference Hall-ah neih a ni a. He hun hi Mizoram State Commision for Women-a Chairperson, Vanlalawmpuii Chawngthu chuan a hmanpui a ni.

New India chungchang sawihon hunah Sankalp Se Siddhi Abhiyan New India Manthan Serchhip DC’s Conference Hall-a neih ah hian kalkhawmte chuan New India atana intiamna thutiam chhamin hemi hnu hian Khuallian, Vanlalawmpuii Chawngthu, MLA chuan thu sawiin ram \ha zawk, nuam zawk leh hausa zawk din turin mitinin mawhphurhna kan nei a ni, a ti a. India thar din tura hmalakna chi hrang hrang, faina te, retheihna laka fihlim te, hlemhletna laka fihlim te, firfiaka chetna, sakhaw inlakbingna leh chi inthliarna lam chi umbo kawngah he huna kalkhawm Village Council member te chu mahni khua \heuhva mite zirtirtu, a taka thawktu tur an ni tih inhre tur leh, retheihna umbo tura sorkar a\anga \anpuina an dawn ang angte a nihna taka hmanga hmasawnpui ngei tum theuh turin a chah a bawk.

Mizoram State Commision for Women-a Chairperson chuan Mihring fu-ke kim,taima te chu an rethei ngailo nia sawiin, hlawhtling turin mahni theihna zawn zel ah taima taka hna thawk turin he huna kalkhawmte chu a chah a. Mizote zingah hlawhtlinna hmu hmanlo a kawng hrang hranga hma la kual dun \hin an awm nia sawiin, mahni hma zawn \heuhah hlawhtlinna hmu tura theihtawp chhuah a \ul thu a sawi a. Mi \henkhat BPL-a awm reng \hin chu \halo a tih thu pawh sawiin, BPL-a awm reng lo tura \an lak a \ul thu a sawi a, hlemhle te hlawhtlinna chu a ziktluak ngailo tih a sawi a. Eng mi pawh ni ila mahni Level \heuha kan thawhrah ah lungawi a \ul thu pawh sawiin, Officer leh sorkar hnathawk ni chunga Contractor leh Supplier nih tum tlat  \hin ang te chu thil diklo a nih thu a sawi bawk.

He hunah hian District Bawrhsap, San-gchhin Chinzah pawhin New India Movement hi kum 1942-a India ram zalenna sualtute’n Quit India Movement an huaihawt leh a hnu kum 5-a India ramin zalenna a lo neih tak dan hre rengin, Quit India Movement kum 75-na, kum 2017 a\anga kum 5 chhungin retheihna, hlemhletna leh chi inthliarna te awm lohna ram, ram fai leh thiang-hlima India ram thar din chhuak tura sorkar laipui ruahman a nih thu sawiin, India Thar dinna kawnga umbo tur hrang hrang zingah Faina leh retheihna umbo lama hmalakna chu uar zawka hmalakna tur a nih thu a sawi a, kalkhawmte chuan Bawrhsap kaihhruaina hnuaiah India Thar Thutiam an tiam ruala, an intiamna lehkhaah an hming ziakin thuneitute hnena thlen turin lakkhawm nghal a ni bawk.

He inkhawmah hian East Lungdar BDO, Vanlal\anpuia, MCS chuan New India Movement (Sankalp Se Siddhi Abhiyan) chung-chang sawihawnna neiin, he Movement hi India mipuiten kum 1942 August thlaa  Quit India Movement an lo neih tawhna champha kum 75 na ah neih a nih thu sawiin, New India Movement neih \an a\anga a kum ngana (2022) ah India ram chu Bawlhhlawhna, Retheihna, Hlem-hletna, Firfiaka chetna, Sakhaw insawrbingna leh Chi inthliarna lakah zalen tumin hmalak a nih dawn thu a sawi a ni.

He zirhona hi Serchhip DRDA Project Director, VL. Remliana chuan a kaihruai a, thu sawituten thu an sawi zawhah kalkhawmten sawihona hun hmang zuiin, hmalak dan tur chi hrang hrang an rel nghal a. Chung zingah chuan, faina lama hmasawn nana In tinin Bawlhhlawh bawm chi hnih, \awih thei leh \awih theilo dahna neih te, khawtin in Bawlhhlawh sawngbawlna hmun neih te, sum leh pai inremchemna lam inzirtirte, chhungkaw sum enkawl dan inzirtirna buatsaih te leh hmalak dan tur dang tam tak an rel a ni.