Documentary Films siam dan zirhona neih a ni

I&PR Department-in Mizoram-a Film producer-te leh Film siam tuimi te tana a buatsaih ‘Workshop on Documentary Films’ chu nimin khan I&PR Conference Hall-ah neih a ni a, a hawnna inkhawm hi I&PR Director, Lalnithangi chuan khuallian niin a hmanpui a ni.

Workshop on Documentary Films hawnna hunah hian I&PR Director chuan I&PR Department leh Mizoram Film Development Society (MFDS) ten thawhhona \ha tak an nei chu lawmawm a tih thu sawiin, Film chu thil ti thei tak leh chak tak, mihring nun leh hawiher tidanglam theitu a ni, a ti a. |angkai leh mumal zawka Film siam a \ul thu sawiin, hnam ziarang te, rinna leh nunphung te midang hnena pholanga, nundan mawi leh \ha inzirtirna hmanraw \angkai tak a nih theih thu a sawi bawk.

I&PR Director chuan tun dinhmunah Mizoram in Film Theatre \ha, film release theihna tur emaw Film Festival thleng thei tur khawpa \ha hmunhma nei rih lo mahse, nakin lawkah chuan hmunhma leh hmanraw \ha zawk neih a nih theih nan hmalak mek a nih thu a sawi a. Film siam lama tuimi kalkhawmte chu rilru leh ngaihtuahna senga \an la sauh sauh turin a chah bawk. He Worshop-ah hian Lalsawmliana Pachuau, Patron, Mizoram Film Development Society (MFDS) chu Resource Person niin Documentary Film siam dan leh hriattur pawimawh dang te sawiho a ni.