Mizoram in a mamawh aia tam Sub-Centre, PHC leh CHC Mizoram in nei niin tarlang

Rural Health Statistics 2016 a\anga a lan danin Mizoram-ah mamawh zat aia tam Sub-Centre, Primary Health Centre (PHC) leh Community Health Centre (CHC) a awm.

He Statistic-a tarlan a nih danin Mizoram-ah hian Health Care facility Sub-Centre 370, Primary Health Centre (PHC) -57 leh Community Health Centre (CHC) 9 a awm mek a. A vaiin Health Care facility 436 a awm tihna a ni. Heng bakah hian Sub-Divisional Hospital 3 leh District Hospital 8 a awm bawk niin heng record te hi March 31, 2016 thleng a record neih te an ni. Mizoram-ah hian thingtlang (rural) population chu 525,435 a ni a. Mihring cheng zat a\anga chutin Sub-Centre 172, PHC 25 leh CHC 6 mamawh a ni a. Hei vang hian Mizoram-ah chuan Health Care facility indaihlohna a awm lova, Centre tinah mamawh bak (surplus) a awm thung a ni. Mizoram-a Sub-Centre te chuan sq km 55.39 zel an tuam a, PHC in sq km 359.54 zel leh CHC in sq km 2277.11 zel a tuam anga chhut a ni. Mizoram pumah hian thingtlang khua 830 a awm bawk. Ram pum thlirin public sector hnuaiah Health facility 187,771 a awm a. Sub-Centre 155,069, PHC 25354 leh CHC 5510 a awm a, Sub-Divisional Hospital 1065 awmin District Hospital 773 a awm a, heng te hian Rural Population a tuam hneh lo hle a ni.

Hetihlai hian Statistical Handbook, Mizoram 2016 in a tarlan dan chuan Mizoram-ah hian sorkar enkawl damdawi In 12 awmin Community Health Centre (CHC) 12 a awm thung a, Primary Health Centre (PHC) 57 awmin Sub-Centre 372 a awm nia tarlan a ni thung a, sorkar enkawl damdawi In zingah hian District 7-a District Hospital 7 bakah Civil Hospital Aizawl te, Kulikawn Hospital te, Regional Cancer Centre, Zemabawk te, State Referral Hospital, Falkawn leh Tlabung-a Sub-District Hospital te chu a tel bawk a ni.

Statistical Handbook, Mizoram 2016 in a tarlan zel dan chuan Mizoram pumah hian sorkar damdawi In 12 te bakah hian Mimal, Pawl leh Kohhran enkawl damdawi In dang 20 a awm bawk a, sorkar damdawi In hrang hrangah hian Khum 1039 awmin Community Health Centre 12-ah hian khum 360 a awm a, Primary Health Centre 57-ah hian Khum 570 a awm bawk a. Mimal, Pawl leh Kohran enkawl damdawi in 20-ah hian Khum 1304 a awm bawk a. CHC leh PHC tel lovin damdawi In hrang hrangah hian Khum 2343 a awm a, damdawi In hrang hrang leh PHC leh CHC te nen a vaiin Khum 3273 a awm bawk a ni.