District Bawrhsap kaihhruaiin Serchhip District Screening Committee on PMAY (HFA) thutkhawm nei

Nimin khan Serchhip District Screening Committee on PMAY (HFA) te chu an Chairman, Sangchhin Chinzah, DC Serchhip hovin a Office Chamber ah an \hukhawm a, kum 2017-18 chhunga Pradhan Mantra Awas Yojana-Housing For All hnuaia (Credit Link Subsidy Scheme) Insakna diltu hrang hrangte dilna umzui dan tur ruahmanna an siam.

He Meeting hi Tuikum AC bialtu MLA, Er. Lalrinawma leh Hrangturzo AC bialtu MLA, Vanlalawmpuii Chawngthu te chuan hmanpuiin Bawrhsap chuan, District Screening Committee ah District chhung MLA pahnih ten an telpui avanga a lawmthu a sawi a. Sorkar hmalakna te Bank kaltlanga thawh zel an nih tak avangin ram hmasawnna kawngah Bank ten mawhphurhna sang tak an neih thu sawiin, an kutah ram hmasawnna tam tak a innghah a ni, a ti a. Bank aiawh te \ha taka an rawn tel avangin lawmthu a sawi bawk.

He hunah hian Er. Lalrinawma, MLA chuan, he scheme in a tum ber chu mirethei, In sakna nei zolo te In sak a nih angin a mamawhtu miretheite ring ngam chunga loan pek a ngai a, District chhunga Bank hrang hrang ten chu chu hre reng chungin he scheme hi kalpui thei se a duh thu a sawi a. Vanlalawmpuii Chawngthu, MLA pawhin a mamawh tu zawng zawngten he scheme hi an hman \angkai ngei theih nan thawh a \ul thu sawiin, loan diltu mipuite pawhin loan a nihna hrereng chunga an dil a pawimawh a tih thu a sawi bawk.

Nimin a Meeting hian kum hmasa lama Housing For All kaltlanga Credit Link Subsidy kaltlanga Insak \anpuina pek, Bank hrang hrangten an umzui dan thlirletna neih hmasak a ni a, 2016-17 chhunga kan District target neih 60 zingah mi 21 hnenah he Housing Loan hi pek fel tawh niin tuna kalpui mek engemawzat a awm bawk a. District chhunga a pe \ha ber chu MRB Serchhip Branch niin target 7 ah mi 7 a pe a, a dawtah MCAB niin target 20 a neihah mi 12 a pe a, SBI Serchhip chuan Target 20 ah mi 2 chauh ala pe hman thung a ni. A pe chhe ber chu MRB Chhiahtlang niin target a neih 6 chu pek a nei hman lo a ni.

Kumin 2017-18 ah hian Serchhip District-ah Target 130 pek leh niin heng zinga 100 chu Serchhip Town atan a dah niin Thenzawl-ah 20 leh North Vanlaiphai-ah 10 pek a ni a. Serchhip bikah hian diltu mi 88 awmin, nikum lama dil, quota in a daihloh avanga la pek loh engemawzat te nen mi 100 tan hian ruahmanna siam zui niin MRB Chhiahtlang chu 6, MRB New Serchhip 13, MRB Serchhip 28, SBI Serchhip 35, Mizoram Co-Operative Apex Bank, Serchhip 20 leh UBI Serchhip 1 te ruahman sak an ni a, MRB North Vanlaiphai, MRB Thenzawl leh SBI Thenzawl chu 10 \heuh target pek an ni bawk. Heng target pekte hi an mahni Branch behchhana diltute chu buaipui tura ruahman niin loan diltute zinga pek tlak loh an awm a nih chuan nikum lama diltu la pek silohte atanga hnawhkhah dan ngaihtuah nise tia ruahmanna siam a ni.