Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

M/S zirtirtu ten Lehkhabu thar an zirho

District Institute of Education and Training (DIET) Serchhip chuan tunkar Thawhlehni leh Nilaini khan Serchhip Cluster huamchhunga Middle School zirtirtute tan Middle School-a Syllabus thar chungchang zirhona chu Serchhip-ah an buatsaih.
Mizoram sorkar chuan kumin a\ang hian Middle School-a Class VI a\anga Class-VIII thleng te tan NCERT buatsaih zirlaibu zir \an turin a ti a, he zirlabu thar hi zirtirtute hnena inhrilhhriatna leh zirlai naupangte hnena zirtir dan tur zirhona hi DIET Serchhip chuan Serchhip District chhunga Cluster hrang hrangah buatsaihin District chhunga Cluster 12 awm zinga Cluster 11-ah an buatsaih tawh a ni.
DIET Serchhip Principal, Lalrammawia chuan Mizoram sorkar chuan nikum hmasa khan Primary School, Class I-IV te tan NCERT Syllabus thar hi alo hman \an tawh thu leh English Medium-ah chuan English-a zirin Mizo Medium-ah erawh chuan he lehkhabu tho Mizo \awnga lehlin chu zir a nih thu a sawi a, nikum khan Class-V tan he zirlaibu thar hi zir \an leh a nih thu leh kumin hian Middle School-a Class-VI a\anga Class-VIII tan zirlaibu thar hi zir \an leh a nih thu a sawi a. Middle School-ah te chuan English veka zirtirna kalpui tawh tur a nih thu a sawi bawk.

Comments

Chhiar Hlawhte

Book of the Year hlan