Latest News

Sorkar kum liamta chhungin thisen Unit 846 pek a ni

Sorkar kum liamta, nikum April ni 1 a\anga kumin March 31 thleng khan Serchhip damdawi In Blood Bank-ah thisen Unit 846 pek a ni a, heng zinga za zela 69.73 chu mi tu emaw tan bik nilo, a mamawh apiang ten a thlawna an hman theih tura pek a ni.
JN Hospital Serchhip Blood Bank-a thawktute hnen a\anga thudawn danin sorkar kum liamta chhung khan Serchhip dam-dawi In Blood Bank-ah hian thisen Unit 846 pek niin heng zinga Unit 590 hi mi tlawmngai ten mi tu emaw tan bik nilo, a mamawh apiang ten a thlawna an hman theih tura pek, Voluntary Donation a ni a, hei hi thisen pek zawng zawng a\anga za zela 69.73 niin mi tu emaw tan bika pek (Replacement) Unit 256 a awm bawk a ni.
Serchhip damdawi In Blood Bank-a thisen pek zawng zawng 846 a\anga Unit 656 (77.54%) hi Mipa pek niin Unit 190 (22.45%) hi Hmeichhia te pek a ni thung. Serchhip Blood Bank-a thawk te hian damlo mamawh apiangte hman atana a huhova thisen pek theihna hun, Blood Donation Camp pawh sorkar kum liamta chhung khan \um 14 an huaihawt a, heng a\anga thisen an lak Unit 590 zinga unit 417 hi Mipa te pek niin Unit 173 chu Hmeichhia te pek a ni thung a, Replacement-a thisen pe 256 te zingah Mipa 239 leh Hmeichhia 17 an tel bawk a ni.

Comments

Popular News (Last 30 Days)