Latest News

Faina-ah hmalakna kalpui

Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.

Valentines’s Day-ah thisen pe

Nimin Feb. 14 khan khawvel hmun hrang hranga Valentine’s Day hman a ni a, Serchhip-ah pawh he Ni pual hian mi \hahnem takin Se-chhip Blood Bank-ah a thlawnin thisen an pe a ni.
Nimin a Valentien’s Day-ah hian nula leh tlang-val bakah nu leh pa tam tak chuan an kawppui te hnena thilpek te hlanin hun hlimawm tak an hmang hlawm a, hmun hrang hrangah he Ni pual hian mi tam tak chuan thisen pein District khawpui dangah chuan a huhova thisen pekna hun te hman a ni bawk. Serchhip-ah chuan pawl anga thisen pekna hun buatsaih ni lo mah se \halai \hahnem tak chuan anmahni remchang anga Blood Bank-ah kalin thisen pek an tum a, thisen pek tum zingah hian mi 17 ten thisen hi an pe a, heng mi tlawm-ngai te thisen pek hi Serchhip Blood Bank-a thawk ten an lak sak a ni.

Comments

Popular News (Last 30 Days)