Latest News

SDO (Civil) hna chelhtu insawn tur dangin North Vanlaiphai mipuite an pungkhawm

Serchhip District chhunga Sub-Division Hqrs. pakhat, North Vanlaiphai-a SDO (Civil) hna chelh mektu chu sorkar in a sawn a, hemi duhloh vang hian North Vanlaiphai mipuite chuan niminpiah a\anga nimin thleng khan SDO (Civil) insawn tur dangin an pungkhawm.
North Vanlaiphai a\anga thudawn danin North Vanlaiphai Civil Sub-Division a SDO (Civil), V. Laldinsanga chu Mizoram Sorkar chuan nikum Oct. 13 khan Lawngtlai SDO (Sadar) ni turin Transfer Order a tichhuak a. North Vanlaiphai-a NGO hrang hrang - YMA, MUP, MHIP, MZP leh MSU te din, North Vanlaiphai NGO Co-ordination Committee chuan V. Laldinsanga hi North Vanlaiphai Civil Sub-Division a\anga sawnchhuah sak lo turin Mizoram Sorkar-ah dilna leh ngenna thlenin, North Vanlaiphai SDO (C)-a awmzui zel tura Sorkar-in a tihsak theih ngang loh pawhin a chhuah hma ngeia hnadang nena kawp nilo, a hranpaa SDO (C) hna chelh tur pe ngei turin an ngenin an phut thu leh a chhuah thleng pawha a aiawhtu tur, a hranpaa SDO (C) hna chelh tur Sorkar-in a pe lo anih chuan V. Laldinsanga chhuak tur hi dan an tum thu an lo thlen tawh tih an sawi a. Heti chunga tun thleng pawha an thilphut hlawhtlinna an la hmuhloh avang leh an SDO (Civil) hi a chhuah dawn tak avangin a chhuak tur hi dangin an pungkhawm niin an sawi a, an thilphut a hlawhtlin hma chuan SDO (C) hi dan zel an tum thu an sawi bawk.
He thil thleng avang hian Serchhip District Bawrhsap, Dr. Lalrozama, IAS chuan nimin khan North Vanlaiphai hi pan nghalin  North Vanlaiphai NGO Co-ordination Committee hruaitute nen an inkawm nghal a, NGO Co-Ordination Committee hruaitute chuan an thilphut te Bawrhsap lo hrilhin, an SDO (C) thlaktu tur sorkar in April thla ah dah a tum tho anih chuan chumi hma chu a hna lo chelhzui rih tur leh sawn a nih dawn chuan intiamkamna ziaka dah an phut thu an lo sawi a, an thilphut hi Bawrhsap chuan Chief Secretary hnena thlen a tum thu a hrilh a ni. 

Comments

Popular News (Last 30 Days)