Latest News

Serchhip District kum 25 tlin lawmna District Bawrhsap hovin neih a ni

Image
Kum 1998-a hawn Serchhip District in kum 25 a tlinna, Silver Jubilee chu nimin khan Serchhip DC Office bultumin a lawmna neih a ni a. Serchhip District Silver Jubilee hriatrengna lungphun Serchyhip DC Office Tual a mi chu Serchhip DC David Lalthantluanga chuan a hawn hnuah DCConference Hall-ah Silver Jubilee lawmna hi neih a ni.

North Vanlaiphai khua in SDO (C) insawn tur dan titawp

North Vanlaiphai khua in an khuaa SDO (Civil) hna chelh mektu, a thlaktu dah lova sawn an danna chu nimin chawhnu dar 2:00 khan an titawp ta.
North Vanlaiphai a\anga thudawn danin tun thla ni 1 a\anga North Vanlaiphai NGO Co-Ordination Committee ten an khuaa SDO (Civil) hna chelh mektu, a thlaktu tur dah lova sawn a nih avanga SDO (Civil) hna chelh mektu insawn tur an danah niminpiah khan Serchhip District Bawrhsap in North Vanlaiphai hi tlawha NGO te thilphut a ngaihthlak sak hnuah an thil-phut te hi Chief Secretary hnenah a thlen a, Chief Secretary ho hian nimin zing dar 9:00 khan DP&AR hotute leh sorkar mi pawimawh \henkhat te chu \hukhawmin North Vanlaiphai SDO (Civil) chungchang hi an sawiho a, hetianga SDO (Civil) kalchhuak tur an dan hi titawp tura ngenin, hemi hnu hian SDO (Civil) hna chelhtu tur hi dah tum a nih thu an sawi a, hei vang hian North Vanlaiphai NGO Co-Ordination Com-mittee chuan nimin chawhnu dar 2:00 khan  SDO (Civil) an dan hi titawpin sorkar chuan Liansang-zuala Chhakchhuak, MCS chu a dah nghal a ni.

Comments

Popular News (Last 30 Days)