Baktawng-ah Mizoram Rural Bank Branch thar hawn a ni

Mizoram Rural Bank-in Baktawng Branch a hawn thar chu mipuite hman theih turin Ser-chhip DC, Dr. Lalrozama’n niminpiah khan a hawng.

Hemi puala inkhawm hi Mizoram Rural Bank Head Office Senior Manager, Liankunga chuan a kaihruai a. Bank aiawha thusawitu Senior Manager, C. Malsawma chuan, Mizo-ram Rural Bank Baktawng Branch chu MRB Branch zinga 83-na a nih thu a sawi a, Digital India a hlawhtlin theih nan \an lak mek a nih thu te, Internet hmanga Bazar theihna pawh siam a nih tawh thu leh Micro ATM hmanga pawisa pawh tihchet theih a nih tawh thu a sawi a, Bank-a Aadhaar Card hmang chauha pawisa dahluh leh lakchhuah a nih theih dan tur pawh buaipui mek a nih thu a sawi bawk.

C. Malsawma chuan, tunah hian Mizo-ram Rural Bank-in hlep, cheng vbc.24 leh nuai 44 a nei tih a sawi a, pawisa dah zawng zawng chu cheng vbc. 1,731 a nih thu leh, Loan atan cheng vbc. 914 pekchhuah a nih thu sawiin, CD Ratio pawh zaa 53 niin sawi. MRB Baktawng Branch hawn tharah hian Manager 1 leh thawktu dang 1 an awm phawt dawn a, nimin a\ang khan mipuiten Account an hawng \an thei a ni. Mizo-ram Rural Bank hian neitu 3, Sorkar laipui (50% share) State Bank of India (35% share) leh State Sorhar (15% share) a nei a. Kumin hian Branch 6 hawn tum tun ami hi 5 an hawnna a ni.