Special Summary Revision of Photo Electoral Roll neih tur atan Serchhip District-ah inbuatsaihna kalpui \an a ni.

Election Commission of India in Special Summary Revision of Photo Electoral Roll nei tura hriattirna a chhuah chungchang ngaihtuahin Serchhip District-Level Standing Committee on Electoral Roll Revision, 2016 chu nimin khan SDO (Sadar), L. Rinliana, MCS hovin Serchhip-ah an \hukhawm a, Electoral Roll Revision neih dan tur sawiho a ni.

    District-Level Standing Committee on Electoral Roll Revision, 2016 \hutkhawm nimin a Serchhip DC’s Meeting Room-a neih a tarlan a nih danin Election Commission of India thuchhuah angin Special Summary Revision of Electoral Roll, 2016 atana qualifying date chu January ni 1, 2016 a ni a, hemi ni a kum 18 tling chin (January ni 1, 1998 hma lam a piang), India khua leh tui diktak te chu Electoral Roll ah thun theih an ni ang. Electoral Roll a in thun thar bakah pem leh mitthi Electoral Roll a\anga paih te, particulars diklo siam \hat te leh Constituency dang a\anga Constituency danga insawn siam\hat bakah Constituency chhunga Polling Station awmna thlak ngai siam\hat te pawh tih fel nghal tur a ni a, Gram Sabha (Village Level Committee) pawh Polling Station tinah Booth Level Officer te kaihhruaina in din a ni anga, anni hian an Polling Station chan chhung \heuh a voter te enfiahin Electoral Roll dik leh felfai neih theih nan hma an la bawk ang.
    Election Commission of India chuan Electoral Roll Revision neih turah hian Serchhip District tana Observer turin P. Lalchhuanga, IAS, Secretary, Trade & Commerce etc. chu a ruat a, Serchhip District chhungah hian Polling Station siam belh ngai a awm lova, East Lungdar Polling Station atana hman mek East Lungdar Higher Secondary School aiah BDO Conference Hall hman tawh ni rawh se ti a rawtna chu Election Commission of India in a pawmpui tawh bawk a ni. Khawpuiah chuan Polling Station pakhatah voters 1400 thleng an awm thei a, thing-thlang-ah erawh voters 1200 thleng an awm thei thung a ni.
    Hetihlai hian 27-Tuikum (ST) Assembly Constituency chu Polling Station a tam avang leh khaw awmna in karkik tak tak anih avanga AERO pakhat chauh tan vil a harsat avangin AERO pakhat dang ruat tura dilna Election Commission of India hnenah thlen a ni a, hei hi ECI chuan rawn pawm sakin Sub-Deputy Commissioner (SDC), Serchhip chu AERO atana ruat belh a ni a; a hma lama AERO lo ni sa BDO, Serchhip nen ERO kaihhruaina hnuaiah thawh a ni ang.
    Election Commission of India in rua-hmanna a siam dan chuan Electoral Roll Revision neih tur atan hian Electoral Roll hmanlai chu Draft Roll-ah hmangin September 15, 2015 ah Draft Electoral Roll chu tarchhuah a ni ang a, October 14, 2015 thleng siam\hat ngai lai siam\ha tura dilna thehluh theih a ni anga, November 16, 2015 ah siam\hat ngai lai leh chinfel ngai zawng zawngte zawh fel vek tur a ni a, January 15, 2016 ah Electoral Roll thar tarchhuah tur a ni ang.        Electoral Roll hmanlai mekah Serchhip District a Assembly Constituency pathumah voters 46,238 (mipa 22,888 leh hmeichhia 23,350) an awm mek a, Election Officer, Lalhmansanga, MCS chuan Political Party te, NGO te leh Media te \awiawmna tello chuan hna thawh chak a harsat thu sawiin, an \awiawmna leh thawhpuina \ha a ngen nghal bawk a ni.
    District-Level Standing Committee on Electoral Roll Revision, 2016 ah hian Serchhip DC chu Chairman niin Member Secretary chu Election Officer a ni a, Member atan District chhunga ERO leh AERO zawng zawng, District Education Officer, District Information & Public Relations Officer, Political party hrang hrang Block President, Serchhip Sub-Hqrs. YMA President leh MJA, Serchhip District President te ruat an ni.