HSLC Exam-2015 result chhuakah 68.30% in an pass.

Mizoram Board of School Education (MBSE) chuan nimin khan High School Leaving Certificate (HSLC) Examination 2015 result a tichhuak.

Nimin a MBSE in HSLC Exam result a tihchhuah ah hian zirlai exam zawng zawng 17,157 zingah 11,719 an passed a, pass percentage chu 68.30 niin, failed 5,124 an awm a, Compartmental chance nei zirlai 315 an awm bawk. HSLC Exam-2015 beitu zirlai 17,157 zingah hian mipa 8,287 niin a bak 8,870 chu hmeichhia an ni a. HSLC Exam ah hian Distinction a passed mipa 297 leh hmeichhia 298, an vaiin 595 an awm a, 1st Division a passed 2,100 an awm, 2nd Division a passed 3,505 leh 3rd Division a passed 5,510 an awm a ni. MBSE in HSLC result a tihchhuah ah hian zirlai zawng zawng passed vekna school (100% passed) 158 a awm a, hetihlai hian zirlai exam zawng zawng failed vekna school (100% failed) 15 a awm bawk. District wise chuan Aizawl District passed \ha berin pass percentage chu 87.74 a ni a, Champhai District-ah 80.47% pass in Kolasib District-ah 86.07%, Lawngtlai District-ah 68.59%, Lunglei District-ah 76.18%, Mamit District-ah 73.35%, Saiha District-ah 80.02% leh Serchhip District-ah 81.84% an passed a ni.

    Kumin a HSLC Exam-ah hian a pumpui-ah Jennifer Vanrammawii, Baptist HSS, Serkawn Lunglei chu pakhatna niin Christopher Zorammuana, St. Pauls HSS, Aizawl chu pahnihna a ni a, C Lalnunfeli, Baptist HSS, Serkawn chu pathumna niin Samuel Malsawmzuala s/o JH Laldingliana, Marian High School, Serchhip chu palina a ni bawk. HSLC Top-10 ah hian St. Paul's HSS, Aizawl zirlai 5 an awm a, Baptist HSS, Serkawn zirlai 2 leh Marian High School, Serchhip; Springdale Academy, Champhai leh Comprehensive Model SchoolAizawl zirlai pakhat \heuh an lang bawk a, kumdang lo takin kumin hian a ti\ha zual thlanchhuah 10 ah Mizo zirlai vek an lang a ni. Kumin HSLC exam beitu zawng zawng 17,157 zinga 12,436 te chu reguler candidate an ni a, regular candidate te pass percentage hi 81.84 a nih laiin private candidate zawng zawng 4,721 te pass percentage chu 32,64 a ni. Compartmental chance la nei zirlai 315 te tana exam hun tur hi MBSE chuan a ruahman fel nghal a, June 16, 2015 ah Mizoram-a Centre 8 ruahman fel sa ah exam hi neih tur a ni anga, Serchhip-ah pawh Exam Centre hi siam leh a ni ang.