Latest News

Serchhip-a dawr rawktu darkar 6 chhungin manchhuak

Serchhip Venglai-a Mizo Canteen (Prop - Robert Lalmuanawma) chu nizan hmasa khan misual ten rawkin FIR thehluh a\anga darkar 6 chhungin dawr rawktu nia hriat hi Police ten an man nghal.
Thudawn danin Mizo Canteen, Vanlalhluna building ami hi nizan hmasa khan misual te hian rawkin TV (LED) 5, Rs. 1,65,000/- man chu an la a. Hemi chungchangah hian nimin zing dar 9:30 vel khan Serchhip Police Station-ah FIR thehluh niin Police te chuan chhui zui nghalin chhun dar 1:30 rik hmain dawr rawktu nia hriat, Chawlhlena, Serchhip Bazar Veng-a khawsa nia hriat chu Aizawl-ah man a ni a, a kut a\ang hian TV te pawh hi hmuhlet a ni bawk. Thudawn danin Chawlhlena hian Mizo Canteen \henawm ah hian Thlalak siamna dawr a nei a, amah hi Aizawl lam mi niin Serchhip-ah hun engemaw chen a lo khawsa tawh a, kar hmasa khan Aizawl-ah chhukin niminpiah khan Taxi pakhat hmangin TV te hi an rawn la a, hemi hnu hian Aizawl pan leh nghalin Serchhip Police te hian an chhuizui hnuah Aizawl Kulikawn Police ten Taxi leh a khalhtute nen hian an lo man a, nimin vek khan Serchhip Police te hi zuk la turin an kal nghal a ni. Mizo Canteen dawr kalhna chahbi (Chahbi spare) hi kumin February thla khan a bo niin kan thudawnna chuan a tarlang a, tuna Dawr rawktute hian Chahbi Spare hmang hian dawr hi an rawk nia hriat a ni.

Comments

Popular News (Last 30 Days)