Vawiin a\angin Zu zawrh tum; Zu zuar tur ten harsatna tawk.

Mizoram sorkar in Mizoram-a Zu khuahkhirhna Dan thar, Mizoram Liquor Prohibition & Control (MLPC) Act a siam angin Vawiin a\ang hian Zu zawrhchhuah tum a ni a, amaherawh chu Zu zawrh tumna Ven hrang hrang 5 zingah Veng 4 chuan an Veng huamchhung ah zu zawrh an remtilo tih an sawi thung.

Mizoram sorkarin MLPC Act- 2014 hnuaia zu zuar tura a thlan te hi MIFCO, ZIDCO, MAMCO leh Ex Sevicement te an ni a. ZIDCO hian Vaivakawn-ah Zu dawr hi siam an tum a, amaherawh chu a Veng neitu tam zawk chuan hei hi an remti lo a. Hetihlai hian Zu dawr siam tur pakhat MAMCO pawh Dawr siam an tumna, Chanmari Veng chuan an vengchhungah zu dawr siam an remtilo tih an sawi leh avangin Aizawl khawpui chhunga hmun pakhat chu zu dawr hawnna atan hian an be leh mek tih an sawi bawk. Hei bakah hian Zu dawr hawn tumna Veng nia sawi Chaltlang North chuan an Vengchhung ah an veng huamchhungah zu dawr (wine shop) leh zu dahkhawlna (ware house) awm an remti lo tih sawiin, an hmalakna chu zahsak turin sorkar an ngen bawk a. Hemi hmalam hian Zu zawrh tumna Veng nia hriat, Tuikual South leh Khatla te chuan an veng chhunga zu dawr awm an phalloh thu an sawi tawh bawk a ni.
    Hetiang a nih lai hian Sipai bang, Mizoram Veteran Multipurpose Cooperative Society ten an office, Treasury Square a an member te tana zu dawr hawn an tum, Tuikual South khawtlangin an dodal chungchangah Inrinni khan Ex-Service League Office ah sipai bangte leh Tuikual South khawtlang hruaitute an inkawm a. Mizoram Veteran Multipurpose Cooperative Society lam hian inbuatsaihna thui tak kalpuiin pawisa pawh nuai 2 chuang an seng tawh tih sawiin, Tuikual South khawtlang chu inngaihtuah nawn turin an ngen a. March ni 19 ral hmaa an thutlukna inhriattir leh turin an inthlah niin Ex-Servicemen League President, Col. John Zama chuan a sawi. Tin, Zu dawr hawn tumna Veng nia sawi pakhat, Dawrpui khawtlang chuan harsatna an la sawilo nia sawi a ni thung a, Dawrpui Branch YMA President, Lalrammuana chuan sorkar hmalakna do zawnga thil tih rup rup chu an duhlo tih a sawi a. "Sorkar hmalakna ngaichang phawt ila, wineshop in kan veng a ti \awp ta viau anih chuan titawp turin sorkar ngen leh mai kan tum a ni," a ti a. Dawrpui chu mi zawng zawng lenna veng ah siam an tum tih a sawi bawk.
    Hetihlai hian Excise Department hotute chuan, zu dawr hawng tur ten harsatna hi tawk mah se, March 16 a inpeih hman dawr \henkhat a\angin zu hi zawrh \an tum a ni tih a sawi a. Bonded warehouse siam tur hian RTP Enterprise leh SS Enterprise thlan a ni a; retailed wineshop siam tur chuan mimal thlan an nilo a, Bonded warehouse a dah tur hian sap zu \hahnem tak state pawn a\angin a rawn thleng tawh bawk a ni.