Latest News

NH. 54 laihzauh mekah zangnadawmna la tawh In la thiat si lo te thiah sak tan an ni

Image
National Highway-54 laihzauh leh siamthat hna thawh mekah Serchhip District chhunga zangnadawmna la tawh, mahni In la thiat lo te chu nimin Nov. 28, 2023 khan Executive Magistrate te kaihhruaina hnuaiah endik leh niin In la thiat lo te chu thiah sak tan an ni.

Swachh Bharat Mission Faina Hapta khar a ni.

YMA Area fai berah Serchhip Vengchung.

Rampuma Faina kawnga hmalakna, Swachh Bharat Mission tih hlawhtlinna atana kar kalta a National Rural Drinking Water and Sanitation Week hman puala Serchhip-a YMA Area fai thlanna neih ah Serchhip Vengchung Branch chu Veng fai berah thlan a ni.
Kum 2019 thlenga rampuma Faina kawnga hmalakna tur, Swachh Bharat Mission hnuaia tun thla ni 16-23 chhunga ‘National Rural Drinking Water and Saniation Awareness Week’ kharna inkhawm leh lawmman semna, PHE Serchhip WATSAN Division Office kawt-a nimin a neih ah hian YMA Sub-Hqrs. President, RL. Chhuanawma chuan kan ram faina tura PHE Department leh YMA \angkawp in hma an la chu lawmawm a tih thu sawiin, hei hian rah \ha tak a chhuah nia a hriat thu a sawi a. Faina Hapta chu khar mah ila hemi kawnga hmalakna chu ala tawplo tih hre reng tura kalkhawmte chahin he Hapta hman chhunga Branch YMA hrang hrang-a YMA member leh YMA Chhang ten hnatlang te neia hma an la te, Branch YMA ten aurinna hmanga mipui zirtirna thu chi hrang hrang an au te chu lawmawm a tih thu sawiin, India ram faina tura Clean India Movement a awm angin Serchhip faina turin Clean Serchhip Movement te siama hmalak zui ni thei se a hlawhtlin ngei a beisei thu a sawi bawk.
    PHE Serchhip WATSAN Division-a EE, Er. Lalhruaia kaihhruai he hunah hian khuallian tura beisei, Juhi Mukherjee, IAS, District Bawrhsap chu a hmun a thlen hnuah pawimawh bik a awm avangin a kir leh a. Er. K. Lalrintluanga, SDO (S) chuan Faina Hapta hman chungchang report pein Faina Hapta hman chhung hian YMA Branch 16 te tan Faina kawnga inelna buatsaih a nih thu leh Serchhip khawpui a Veng hrang hranga Tuikhur tui thianghlim dan enfiahin mipui in tlakloh khawpa thianghlimlo erawh a awmloh thu a sawi bawk. Faina Hapta puala Veng fai thlanna ah hian Serchhip Vengchung chu Veng fai berah thlan niin lawmman ah thuziak leh Rs. 5000/- an dawng a. Pahnihna P&E Veng in thu-ziak leh Rs. 3000/- dawngin Pathumna Serchhip Hmar Veng in thuziak leh Rs. 2000/- an dawng a. Inelna a tel Branch tinin Rs. 1000/- \heuh an dawng bawk a ni.

Comments

Popular News (Last 30 Days)