NGO 37 ten hna thawk mumal theilo

HIV/AIDS dona kawnga Mizorama hma latu, NGO 37 te chuan sum an hmuh \hin ang an hmuh theih tawhloh avangin hna an thawk mumal thei lo a, ruihhlo ti \hinte leh KS te an enkawlna tam zawk an titawp tawh.

HIV/AIDS dona kawnga Mizorama hma latu NGO 37 te intel-khawmna, Federation of NGO's Working in the Field of HIV/AIDS Prevention and Care-a an President, John Thansanga chuan National AIDS Control Organisation (NACO) in an hnathawhna tura nikum September thla-a cheng nuai 820 Mizoram sorkar kuta a pek tawh chu vawiin thlengin Sorkar in a la pe chhuak thei lo tih a sawi a, hei vang hian ruihhlo ti \hin te leh KS te HIV/AIDS laka an himna tura an hmalakna tam zawk chu an kalpui chhunzawm thei rihlo tih a sawi a. NGO \henkhat chuan anmahni \hahnem-ngaihna-in mimal sum te pukin ruihhlo ngaite leh KS te hi an la enkawl hram hram tih a sawi bawk. Ruihhlo-a inchiu \hinte'n zawi zawia an bansan theihna tura damdawi an pek \hin OST pawh hmun \henkhatah chuan pek theih a ni tawh lo tih pawh sawiin, tuna an enkawl mekte bak midang an lak belh thei rih lo tih a sawi bawk. Shalom Project Director Dr. Chawnglungmuana chuan Mizoram chu HIV postive tam lamah pahnihna a ni tih a sawi a. Tunhnai ah ruihhlo-a in chiu thin an pung nasa hle tih a sawi bawk. (Zalen)