Serchhip |halai Pawl in Tuikhur tui enfiah

Serchhip |halai Pawl chuan tunhnai khan Ser-chhip khawpui chhung Veng \henkhat a mipui ten an tlan Tuikhur tui te enfiahin Tukhur \henkhata tui chu a thianghlim tawklo niin an sawi.

Tunhnaia sorkar in mipui hnena Tui a sem duhkhawp lak tur a awmlo nia sawi a awm avang leh vantlang tuikhur bul hnaia chengte chuan tuikhur a\anga tui an chawi zat a pung nia an sawi avangin a enfiahna tur an neih hmangin Serchhip-a Tuikhur 20-New Serchhip VC huamchhung, Darnam Veng, Dinthar Veng leh Chan-mari Veng-a tui te chu enfiah a ni a. Heng Tuikhur te hi a hmunah kal chilhin tui sample hi 20ml zel an la a, H2S Strip Test bottle-ah dahin khawl hmangin 36 degree Celsius-ah darkar 48 chhung up a ni a. Heta an hmuhchhuah danin Tuikhur 20 zinga 18-a tui te chuan Salmonella species emaw Citrobacter species emaw an pai tel ngei tih finfiah a ni a, heng tuikhur tui-ah te hian kaw\halo leh tuihri te, thisena bacteria lut natna te, zunin leh zunkawng natna chi te thlen thei natna hrik te a awm nia sawiin, hei vang hian tuikhur tui tlantu mipuite chu an hriselna atan leh heng natna laka an him theihna turin tui chhuanso ngei in \hin turin an chah nghal bawk a ni.