‘Mipuite thlavang hauhna kawngzawh’ neih turah Thilman tihsan duhlotu te tel turin sawm.

Serchhip Block East MNF chuan naktuk-a ‘Mipui thlavang hauhna kawngzawh’ an neih turah sorkar in tunhnaia thil man chi hrang hrang a tihsan dulotute chu ‘Party’ sawi lova tel \heuh turin an sawm.

Serchhip Block East MNF te hian nimin Jan. 20, 2015 chawhnu dar 2:00 khan an President, K. Tlangthanmawia In-ah hemi chungchang hi thuthar lakhawmtute hnenah an sawi a. He hunah hian Serchhip Block East MNF Adviser, C. Darbiakthanga chuan tunhnaia sorkar in thil chi hrang hrang man a tihsan chu mipuite tawrhna leh phurrit thlentu a ni tih sawiin, hemi an duhloh lantir nan leh mipuite thlavang hauhin Dt. 22nd January, 2015 chawhma dar 11:00 ah Serchhip AOC Veng a\anga Bazar thlenga kawngzawh hi neih an tum thu a sawi a. Chief Minister Lal Thanhawla’n ‘Mizoram chu Ration buhfai tlawmna ber’ tia a sawi chu thu diklo a nih thu leh an chhui zuina a\angin a to-na ber kan nih zawk a rinawm tih a sawi a. Sorkar in thil chi hrang hrang man a tihsan dodalna atan hian kawngzawh a bul \anin a \ul dan a zirin Total Bandh te pawh an la huaihawt tur thu a sawi bawk.
    Serchhip Block East MNF President, K. Tlangthanmawia kaihhruai he hunah hian Block Vice President, H. Lalthianghlima chuan Mizoram sorkar chu Kohhran leh tlawmngai pawl te duhloh anga Zu zawrh tum a ni tih sawiin, MNF Party chuan ramhnuaia an awm lai a\ang tawha Zu an duh ngailoh thu a sawi a. Naktuk-a kawngzawhna an neih turah pawh Zu zawrh duhlo te chu tel \heuh tura ngenin, sorkar pawh ruahmanna a lo siam tawh chu sut leh turin a ngen bawk. Serchhip Block East MNF a\anga National Council Member, C. Van-lalsiamthara pawhin damdawi in-a thisen Unit 1 Rs. 550/- hralh a ngai ta chu an party chuan pawi an ti tih sawiin, hemi avanga harsatna thleng turin a nghawng phak chin turte chu an kawngzawhna turah hian tel \heuh turin a sawm bawk. Serchhip-II Village Council-a President leh MNF Gen. Hqrs. a Executive Member ni bawk, T. Zadingliana pawhin MGNREGS hnuaiah sorkar kum kal mek chhungin Serchhip-a mipuite ni 15 chauh inhlawhna siam sak an la ni tih sawiin, India rama State 29 zingah ni 100 inhlawhna la siam tlinglo chu Mizoram leh Arunachal Pradesh State te chauh an ni tih sawiin, Arunachal Pradesh hian ni 80 chuang inhlawhna an siam tawh niin a sawi a. Mizoram sorkar in MGNREGS sum nikum Nov. thlaa a dawn chu ala pechhuak duhlo nia sawiin, sorkar laipui in MGNREGS tihzuih a tum nia sawi \hin chu thu diklo a nih thu a sawi bawk.