DIPRO in MJA Member te kawm

Serchhip District Information & Public Relations Officer (DIPRO), Andrew H. Lalremruata chuan nimin khan Serchhip District MJA Member te Kumthar thing-pui inpuiin Mizoram sorkar in Press Accreditation Rules a siam thar chungchang a sawipui.

He hunah hian DIPRO chuan Mizoram sorkar in kum 30 zet hnuah Press Accreditation Rules thar a siam thu leh nikum Dec. 5 khan sorkar Gazette-ah tihchhuah a nih thu sawiin, hemi ang hian State Capital, District, Sub-Division leh Block \hut-hmun a awm te Press Accreditation hi pek theih an nih thu leh kum 5 tal Journalist hna thawk tawh te pek theih an nih thu a sawi a. State Capital-ah firm pakhat ah mi 2 zel leh State Capital pawnlamah firm pakhat ah mi pakhat zel pek theih an nih thu a sawi a. Dilna thehlut te enfiah turin I&PR Secretary kaihhruaina hnuaiah Committee din a nih thu sawiin, dilna lut pawm te chu kum 2 chhung atan Accreditation hi pek theih an nih thu a sawi bawk. Hei bakah hian Journalist, kum 65 ching chunglam te tan sorkar chuan ham\hatna a siam sak thu a sawi bawk. He hunah hian MJA Member te chuan Press Accreditation chung-changa an hriat duh bakah an hnathawhna kawnga hma-lak ho zel dan turte sawiin, inkawmna an nei nghal a ni.