DBTL scheme-a inziaklut vek turin ngen

FCS&CA Minister John Rotluangliana chuan mipuite chu Direct Benefit Transfer of LPG (DBTL) Scheme hnuaia inziaklut vek turin a ngen. Direct Benefit Transfer of LPG (DBTL) Scheme hi India ram district 54 ah November, 2014 khan kalpui \an a ni tawh a, India ram pumah January 1, 2015 a\anga hman \an tura tih a ni a. Amaherawh chu LPG consumer zawng zawng tan thla thum (3) chhung khawngaihna hun pek belh leh niin he hun hi a zawh hunah pawh Parking Period pek leh tum a ni bawk a ni. Food Civil Supplies & Consumer Affairs enkawltu Minister, John Rotluangliana chuan Mizo mipui, Subsidy-a Gas (LPG) la duh zawng zawng Aizawl khawpui chhung leh Zokhaw lam ami te chu Union Minister for Petroleum & Natural Gas Pu Dharmendra Pradhana’n a duh dan anga March 2015 hma ngeia Bank Account te hawnga form te tifel tur leh he Scheme hi lo zawm turin a sawm bawk a ni. Hetihlai hian Direct Benefit Transfer of LPG (DBTL) Scheme chungchang ngaihven tur hian Indian Oil Corporation (IOC), Guwahati a\angin KK. Handiq, General Manager, LPG leh JK. Brahma Area Manager, LPG te chu rawn kalin nimin khan FCS&CA Minister hi a Office-ah an kawm bawk a ni.