Dan siam\hatna tura MZP in rawtna an thlen tun thlengin sorkar in ala siam\ha lo.

MZP in ‘The Mizoram (Selection of Candidates for Higher Technical Courses) Rules, 1999’ siam\hatna atana sorkar hnen a rawtna a thlen te chu tun thlengin sorkar in ala siam\ha lo.

He thu hi MZP President, Lalhmachhuana chuan kumin atana Aizawl-a MZP Office hawnna inkhawm, nimin Jan. 13, 2015-a neih ah a sawi a. He hunah hian MZP President chuan kum 2014 September thla a ram leilung fate himna tur atana ‘The Mizoram (Selection of Candidates for Higher Technical Courses) Rules, 1999’ siam\hatna atana MZP in sorkar hnen a rawtna a thlente, tun thleng hian sorkarin a la siam \halo tih an hriat thu sawiin, an hruaitu mi 13 te man-a Lung In-ah khunga sorkarin inremna a siampui na anga a ranglam a thlak tura an ngaih laia tun thlenga an la siam \halo chu an hrethiamlo hle tih a sawi a. Kan hma lawk March/April thla ah Technical Entrance Exam hi zirlaite’n an hmachhawn leh dawn tih pawh sawiin, ‘The Mizoram (Selection of Candidates for Higher Technical Courses) Rules, 1999’ hi January 2015 chhung hian sorkarin a siam \ha dawn nge dawn lo tih MZP zawhna a nih thu a sawi a. An siam\ha dawnlo a nih chuan an pawl zahawmna vawnhimnan leh Mizo zirlaite chanvo humhalh nan na takin sorkar an nawr dawn tih a sawi bawk.
    MZP Pisa Pui hawnna inkhawm ah hian MZP President chuan MZP hmalakna tur \henkhat pawh sawiin, Private School neitu ten an zirlaite, a bikin class X leh class XII Exam dawna tihluihna hmanga Hostel-a awm tura an phut \hin chuan zirlai harsate tan harsatna nasa takin a thlen fo \hin vangin hetiang thil hi a thlen loh nan hma lak an tum thu a sawi a. Zirlaite’n Scholarship a rang lama an lak theih nan Scholarship Board nen \angkawpin an bawhzui reng tih pawh sawiin, tun thlenga Central sorkar in pawisa ala pekchhuah loh chu a rang lama pekchhuah a nih theih nan North East Students’ Organisation (NESO) \angkawpa hmalak an tum thu a sawi bawk.