UN in NLUP sum hmuh belh dan tur a dap sak dawn.

NLUP Implementing Board (NIB) Chairman, Pu JH. Ro\huama chuan NLUP sum hmuh belh dan tur United Nations in a dapsak dawn niin a sawi.

Tunhnaia MJA Gen. Hqrs. hruaitute nen an inkawmna ah he thu hi sawiin Pu JH. Ro\huama chuan Mizoram-a UN team lo kal te khan NLUP chu \ha an ti hle nia sawiin, hei vang hian puih an tum niin a sawi a. NLUP chu a bikin Mamit leh Kolasib district ah a hlawhtling hle tih a sawi a, hmun tam takah chuan beisei phaklohna an nei tih a sawi bawk. NIB Chairman chuan khawthlang lamah uar zawka rubber chin an tum tih sawiin, "Rubber kung 1000 neih chuan thla tin nuai 2/3 a lak luh theih dawn a, Tripura-ah hlawhtling taka an chin theih avangin kan ramah pawh hlawhtlin pui theih kan beisei a ni," a ti a. "NLUP hi mi \henkhat, ei ral mai mai tur emaw ti pawl an awm a, chuvangin strict zawkin kalpui kan tum tawh a ni," tiin a sawi bawk. NIB Vice Chairman Pu PL. Thanga pawhin central sorkar tharin NLUP ah harsatna siam lovin a scheme chu \ha an ti hle niin a sawi a, sum lamah pawh harsatna an tawklo tih a sawi. Tunhnaia UN Team lo zin te chuan NLUP hmalakna atan vaibelchhe 25 an ruahman nia sawiin kumin chhungin hmathar an la dawn tih a sawi a. "UN nena \ang hova hetiang hmalakna hi India ram state dang ah a la awm lo a, NLUP hi a hma aiin a vul zawk turah kan ngai a ni" a ti a. NLUP thawk \halo chu a laklawh ah pawh an chhawk zel dawn niin a sawi bawk.