Latest News

Serchhip District-a Media te tan Dan leh hrai zirhona Serchhip-ah neih a ni.

Serchhip District Legal Services Authority chuan nimin Aug. 27, 2014 khan MJA Serchhip District Member te tan Dan hrang hrang zirna an buatsaih a, District Bawrhsap, Pi Juhi Mukherjee, IAS chuan a hmanpui a ni.
Serchhip District MJA Member te tana Legal Awareness Campaign, Serchhip DC’s Meeting Room-a neih hi Pu Lalrochami Ralte, Secretary, Serchhip District Legal Services Authority chuan kaihruaiin he hun hmanpuitu District Bawrhsap, Pi Juhi Mukherjee chuan Press mite pawimawhzia sawiin, India ram Democracy innghahna lungphum pathum (three pillars of Democracy) Legislature, Executive leh Judiciary ti a sawi \hin chu lungphum (pillar) pakhat belh lehin a lungphum Pali-na ah ‘Press’ mite hi an ni tih a sawi a, Media te chu kawng hrang hranga mipui ten ngaihdan an siamna leh mipuite sukthlek siamtu an nih avangin an hna ah pawh an fimkhur a \ul thu a sawi a. Mipui ten Dan an hriat theihna leh an zawm theihna tura \an la turin a chah bawk. Hei bakah hian Bawrhsap chuan Healthy Journalism pawimawhzia sawiin chanchinbu ah eng thu nge chhuah a chhuah loh tur thliar thiam turin leh  an thuchhuah ah te an bawhchhiatna a awmloh nan mahni inzir peih turin a chah bawk.
    He hunah hian District Information & Public Relations Officer, Pu Andrew H. Lal-remruata pawhin chanchinbu mite chu an nihna in hrechiang turin a fuih a, tunlaiah mi in thil an chik lehzual tawh a, internet a\anga thil hriat zung zungte a awl tawh avangin chanchinbu leh visual media kaltlanga thu puanzar kawngah fimkhur lehzual angai tih a sawi a, Media mite chu intuaihriam reng tur leh khawtlangin parawn tlak an tih theih tura inbuatsaih reng turin a chah bawk. Nimin a Dan zirhona hunah hian T. Lalnunsiama, Advocate chuan Court kalphung tlangpui sawiin Media mite tana Dan hriat tur pawimawh hrang hrang- Protection of Children from Sexual Offences Act 2012 te; Protection of Women from domestic Violence Act 2005 chungchang te; Information Technology Act 2000 chungchang leh pawngsual leh a kaihhnawih Dan chi hrang hrang bakah MLTP Act chungchang te a tel a ni.

Comments

Popular News (Last 30 Days)