NLUP Implementing Board Chairman in a \halam chauh puangzarlo turin Media te a chah.

NLUP Implementing Board Chairman, Pu JH. Ro\huama chuan nimin Aug. 28, 2014 khan Serchhip-a thuthar thehdarhtute kawmin NLUP hmalakna ah a \halam chauh ni lova a chhelam pawh puangzar zel turin a chah.

NLUP Implementing Board Chairman, Pu JH. Ro\huama hian nimin chawhnu dar 2:30 khan Serchhip DC’s Meeting Room-ah thuthar thehdarhtute hi kawmin sorkar in NLUP a kalpui mekah thuthar thehdarhtu ten sorkar chu an la dim nia a hriat thu sawiin, a \ha lam chauh ni lova a chhelam pawh puangzar \hin tura chahin, hei hian \anpuina dawngtute ah rah \ha zawk a chhuah a beisei thu a sawi a. Mizoram sorkar in NLUP a kalpui mek aia \ha mirethei khai-chhuahna Programme dang a vang tawha a rin thu sawiin, hei vang hian a hlawhtlin ngei theih nan theihtawp chhuah a pawimawh thu sawiin, kumin chho a\ang hian thlai tharchhuah phurh-chhuahna turin kawngpui laih lamah nasa zawka hmalak tum a nih thu a sawi a. Mizoram District hrang hrang zingah Serchhip District in NLUP kalpui \ha ber pawl nihna a hauh chu DC leh a thawhpui bakah Line Department te thawhrimna vang a nih thu a sawi bawk.
    He hun hi Pu David L. Thangliana, Chief Media Officer, NLUP chuan kaihruaiin thu-thar thehdarhtute zawhna chhangin NLUP hotute chuan NLUP-ah Department \henkhat ten 2nd Phase sem zo tawhin 3rd & 4th Phase sem \an mek a nih thu te, Serchhip District-ah leilet-a Sangha khawi turin hmalak \an tum a nih thu te, One Crop-One Village kalpui turin khaw hrang hrangin an Trade tur an thlanfel tawh thu te leh Trade thlak an awm reng avanga harsatna an thawh thu te pawh tarlan a ni bawk. He hunah hian NIB Chairman hi Pu James Lalrinchhana, Secretary, NIB leh District Bawrhsap, Pi Juhi Mukherjee, IAS bakah Line Department hotuten an \awiawm a ni.